#Lajme, #edicioniinformativ ora 19:30 data 6 Shtator 2023 #TvKlan #KlanLajme
Spiker: Reis Çiço
Përmbytjet në Greqi, 1 shqiptar mes viktimave. Stuhia “Daniel” shkakton 10 të vdekur në Ballkan
Përmbytjet katastrofike që përfshinë Greqinë i marrin jetën edhe një 51-vjeçari shqiptar në Volos. Stuhitë e tërbuara u zhvendosën gjatë natës drejt Turqisë duke shkaktuar 11 viktima dhe disa të zhdukur në gjithë Ballkanin.
Vera 2023, më e nxehta në histori. Agjencia e BE konstaton rekorde temperaturash të ajrit
Agjencia e Bashkimit Europian për ndryshimet klimatike arrin në përfundimin se vera e këtij viti mund të ketë qenë më e nxehta në historinë e njerëzimit. Studimi bazohet tek matjet e temperaturës së sipërfaqes së deteve dhe ajrit.
Rriten kërkesat e të huajve për turizëm në vjeshtë. Interes jo vetëm për detin
Operatorët turistikë thonë se edhe me mbylljen e sezonit veror mbetet i lartë interesi i të huajve për të vizituar Shqipërinë. Prenotimet nuk janë vetëm në zonat bregdetare, por edhe në ato malore si dhe në parqet historike.
Lefter Koka bën mbrojtjen për inceneratorët: Jam i pafajshëm
Ish-ministri Lefter Koka hedh poshtë akuzat për inceneratorin e Fierit dhe vetëshpallet i pafajshëm. Para gjykatës ai pretendoi se nuk ka lidhje me biznesmenët e inceneratorëve dhe se SPAK ka fshehur provat për të favorizuar të tjerët.
Shqipëria në Çeki, Sylvinho: Fiton ai që gabon më pak, duhet përqëndrim i lartë
Shqipëria zhvillon stërvitjen e parë në Pragë para përballjes me Çekinë. Trajneri Silvinjo thotë se është i kënaqur edhe me 1 pikë, ndërsa thekson për të arritur te rrezultati pozitiv duhet përqendrim i madh në lojë. Per kuqezinjtë mungon Qazim Laçi
Ndërron jetë Ferid Murati, nobelisti shqiptaro-amerikan që zbuloi viagrën
Ndërron jetë në moshën 86-vjeçare Ferid Murati, mjeku i njohur amerikan me origjinë shqiptare. Fituesi i çmimit Nobel në Mjekësi njihet si shkencëtari që kontribuoi në zbulimin e elementit thelbësor për ilaçet e zemrës, por edhe të Viagrës.
“Love Island Albania”, 1.6 mln shikime në YouTube. Thyen rekorde në rrjetet sociale.
Vijon të thyejë rekorde shikueshmërie spektakli i dashurisë “Love Island Albania” në Tv Klan. Në vetëm në 3 dite transmetim ky program ka rrëmbyer mbi 1.6 milion shikime në youtube duke shënuar një sukses edhe në rrjetet sociale.
/tvklan.al
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
