Asambleja e Përgjithshme e Kombeve të Bashkuara miratoi rezolutën ku kërkohet armëpushim i menjëhershëm mes Izraelit dhe Hamasit.
Rezoluta e hartuar nga Jordania, me mbështetjen e Ligës Arabe që nuk është e detyrueshme për t‘u zbatuar, bën thirrje që të hapen menjëherë korridoret humanitare dhe të mbrohet me çdo kusht jeta e civilëve në territoret e Rripit të Gazës.
Thirrje bëhet edhe për lirimin e civilëve që mbahen peng nga Hamasi. Rezoluta u miratua me 120 vota pro, 14 kunër dhe 45 abstenime. Mes abstenuesve ishte edhe Shqipëria, ndërsa kundër saj ishte Izraeli dhe Shtetet e Bashkuara.
Izraeli është kundër armëpushimit të menjëhershëm, pasi kërkon fillimisht lirimin e pengjeve, ndërsa është duke u përgatitur për sulmin e madh tokësor për shkatërrimin e plotë të Hamasit në Rripin e Gazës.
Edhe natën e kaluar, ushtria izraelite vijoi me sulmet e izoluara tokësore. Zëdhënësi i ushtrisë izraelite, Daniel Hagari njoftoi ekzekutimin e Azem Abu Rakabës, organizatorit të sulmit të Hamasit më 7 Tetor në Rripin e Gazës. Hagari njoftoi se tanket izraelite vijojnë të jenë në terren dhe ende nuk janë tërhequr. Numri i viktimave palestineze përllogaritet në mbi 7 mijë. Sipas OBSH-së rreth 40% e tyre janë fëmijë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
