Zgjedhjet për presidentin e ardhshëm të Shteteve të Bashkuara janë ende në zhvillim e sipër, por duke përjashtuar ndonjë situata tronditëse, do të jetë përsëri një garë zgjedhore e njëjtë me atë të 2020: Joe Biden kundër Donald Trump.

Votuesve amerikanë do t'u kërkohet të zgjedhin midis një 78-vjeçari si Trump dhe një 81-vjeçari si Biden, që do të thotë se kushdo që fiton zgjedhjet e 20 janarit 2025 do të bëhet gjithashtu personi më i vjetër që do të betohet si Presidenti i SHBA-ve.

Mosha mesatare e presidentëve amerikanë kur ata marrin detyrën është 55 vjeç sipas Qendrës Kërkimore Pew. Presidenti i ardhshëm ose do të hyjë ose do të jetë tashmë në dekadën e tij të tetë të jetës - për të sunduar mbi një popull me një moshë mesatare prej 38.9 vjeç.

Ekspertët e Shkencave Politike kanë ngritur shqetësimin e moshës në garë, duke theksuar se është e qartë tashmë që sa më i vjetër të jetë presidenti, aq më shumë ka të ngjarë të zhvillojë probleme serioze shëndetësore apo edhe të vdesë më herët se sa pritej.

Presidenti Biden ka ngatërruar vazhdimisht emrat e liderëve të huaj dhe personaliteteve të ndryshme. Kohët e fundit, kur u pyet për luftën në Lindjen e Mesme, ai iu referua Abdel Fattah el-Sisi si president i Meksikës, ndërsa Sisi është president i Egjiptit – dhe sigurisht Meksika nuk kufizohet me Gazën. Për më tepër, në paraqitjet e tij publike, Biden shfaqet disi i brishtë në krahasim me mënyrën se si e mbajti veten në fushatën e fushatës në vitin 2020.

Mosha mbetet faktor shqetësues për të dy kandidatët, teksa vlen të theksohet se partitë kryesore amerikane nxorrën edhe kandidatë të rinj, që gjithsesi nuk ia dolën të ishin të suksesshëm në garën brenda llojit.

Në kampin republikan, si guvernatori 45-vjeçar i Floridës, Ron DeSantis, ashtu dhe ish-guvernatorj i Karolinës së Jugut, 52-vjeçarja, Nikki Haley, u konsideruan premtues, por Trump ruajti dominimin, ndërsa në kampin democrat ishte i pritshëm konfirmimi i presidentit actual. Tashmë beteja Trump-Biden, do të jetë ajo mes dy pleqve që do të provojnë të bëjnë për vete sa më shumë të rinj…

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#SHBA#Biden

свернуть