Presidenti amerikan, Joe Biden ka ftuar homologun Rus Vladimir Putin, në një takim, që mund edhe të mbahet në një vend të tretë. Kjo ftesë vjen në një kohë kur perëndimi është i shqetësuar për shtimin e trupave ushtarake ruse në krimenë e aneksuar dhe ukrainën lindore.

Presidenti i SHBA Joe Biden i bëri thirrje të martën Presidentit rus Vladimir Putin për të ulur tensionet e shkaktuara nga një grumbullim trupash i Rusisë në kufirin me Ukrainën dhe propozoi një takim të nivelit të lartë mes dy udhëheqësve. Në shenjë shqetësimi rreth tensioneve të shtuara në krizën e Ukrainës, Presidenti Biden i telefonoi Presidentit Putin për të propozuar që ata të takohen në një vend të tretë, ndërsa nënvizoi angazhimin e SHBA ndaj sovranitetit dhe integritetit territorial të Ukrainës. "Presidenti Biden gjithashtu e bëri të qartë se Shtetet e Bashkuara do të veprojnë në mënyrë të vendosur në mbrojtje të interesave të tyre kombëtarë në përgjigje të veprimeve të Rusisë, të tilla si ndërhyrjet kibernetike dhe ato në zgjedhje," tha Shtëpia e Bardhë në një deklaratë. "Presidenti shprehu shqetësimet në lidhje me grumbullimin e papritur të forcave ruse në Krimenë e pushtuar dhe në kufijtë e Ukrainës dhe i bëri thirrje Rusisë të ulë tensionet," thuhet në deklaratë. Biden riafirmoi gjithashtu synimin për të ndërtuar "një marrëdhënie të qëndrueshme dhe të parashikueshme" me Rusinë dhe tha se një takim në muajt e ardhshëm mund të trajtojë "gamën e plotë të çështjeve" me të cilat përballen dy fuqitë botërore, sipas deklaratës.

Kremlini tha nga ana e tij se Biden i deklaroi Putinit se ai donte të normalizonte marrëdhëniet dhe të bashkëpunonte për kontrollin e armëve, programin bërthamor të Iranit, Afganistanin dhe ndryshimin e klimës. Kremlini konfirmoi se Presidenti Biden kishte propozuar një takim të nivelit të lartë, por nuk tha se cila ishte përgjigja e udhëheqësit rus. Moska, në harkun kohor të tre javëve ka transferuar dy batalione dhe tre njësi trupash në afërsi të Donbashit. NATO ndërkohë, sipas mbrojtjes ruse, synon të dislokojë nga ana e tij 40 mijë ushtarë dhe 15 mijë mjete ushtarake afër kufirit rus. “Nëse rusia do të veprojë kështu kundër nesh, do të paguajë një cmim të shtrenjtë-ka thënë qeveria ukrainase.


Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#JoeBiden#Moscow#TopChannel

свернуть