БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Алматы облысы Қаскелең қаласының әкімдігі аз қамтылған отбасыдан шыққан балалардың интернатын жабуға білек сыбана кірісті. "Қолымызда сот шешімі бар" деген атқа мінерлер оқушылар жатқан ғимаратты қайткен күнде қайтаруды көздеп отыр. Ал бұған қарсылық білдірген ата-аналар бүгін қайта бас көтеріп, мекемені жайына қалдыруды талап етті. Қыстың көзі қырауда ғимаратсыз қалуы мүмкін балалардың жайы енді не болмақ? Мәселе қалай шешіледі? Тараптарды әріптесім Оразай Нұртайұлы тыңдап келді.
Жергілікті әкімнің өзі қол қойған құжат заңсыз деп танылғалы, 20 жылға жуық уақыт жұмыс істеген бұл интернатта былтырдан бері маза жоқ. Әкімдік мекемені әуелі жылу мен жарықтан және судан айырды. Енді іске сот орындаушылар кірісіп, ата-ананың айтуынша, олар балаларды ғимараттан мәжбүрлі түрде шығаратынын хабарлапты.
АИДА ЖӘМИЕВА, ата-ана:
- 30 желтоқсанда нақты жабамыз деді. Міне, қолымда қағазы тұр. Бүгін әкімдік, бәрі келіп осы жерді жаппақшы. Бұл жерді жапса қыздарымызды қайда алып барамыз?! Бізде, міне, осы мәселе уайым-қайғы болып тұр.
ӘСЕЛ ТАГИРОВА, ата-ана:
- Акимат осы жерге келген кезде "Не үшін жабасыздар?", "Қандай жоспарларыңыз бар?" деп сұраған кезде "Бізде жоспар жоқ, просто жабық тұрады" деді. Ғимаратты ары қарай да бізге беруін сұрағанда үндемеді. "Заң жүзінде сіздер жұмыс істемейміздер, бұл жер жабық, сіздер заңсыз жұмыс істеп жатырсыздар" деді.
Балаларға интернат ашқан "Кәусар" қайырымдылық қоры мен Қаскелең қаласының әкімдігі арасында ғимаратқа қатысты бұған дейін бірнеше мәрте сот болған. Барлық процессте атқарушы билік жеңген екен. Мекеме адвокатының сөзіне сенсек, енді жеңілген тарап жоғарғы сотқа жүгініп отыр.
НҰРБОЛ БЕЙСЕКОВ, "КӘУСАР" қайырымдылық қорының заңгері:
- Арыз бердік. Ол бойынша әзірге нәтиже жоқ. Жоғарғы сотта шешім қабылданбады, қазір 5-ші сот болып жатыр. "Кәусар" қоры ары қарай жұмыс істейді. Осы ғимарат бойынша отопительный сезон біткенге дейін шықпайды. Ол тек қана біздің қалауымыз емес. Заң бойынша солай қарастырылған.
----------------------------------------------
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
