«Күнгейде үйсіз-күйсіз жүрген ұстаздардың қатары көп», – дейді ОҚО әйелдер кеңесінің төрайымы Баян Жандосова. Елбасының халыққа арнаған жолдауын талқыға салған қыз-келіншектер қауымы қоғамдағы осы және өзге де түйіткілдердің түйінін тарқатты.
Мәселен, білім мен тәрбиені қатар алып жүретін педагог әйелдердің 15 пайызының күйеулері жұмыссыз. Сондай-ақ олардың 13 пайызы жалғыз басты ана қатарында. «Сондықтан әуелі мұғалімдерді баспанамен қамту қажет, әйтпесе әлеуметтік жағдайға алаңдаған ұстаз шәкіртке мазмұнды білім бере алмайды», – дейді кеңес төрайымы.
Баян Жандосова, ОҚО әйелдер кеңесінің төрайымы:
-«Білім саласы – біздің көпіріміз», – деді ғой Президентіміз. Негізі мұғалімдерге жағдай істесек, біздің болашақ ұрпағымызды ең дамыған 30 елдің қатарына жеткізеді деп сенемін.
