#oranews #durres

Një tjeter rast i futjes së eurove është zbuluar në portin e Durrësit. Në një furgon udhëtarësh që vinte nga Bari policia zbuloi 25 mijë euro të fshehura në kabinën e mjetit. Dy ditë më parë në port u sekuestruan edhe 522 mijë euro të tjera për të cilat po vazhdojnë hetimet. Për të dy sasitë, policia po heton vetëm transportuesit por pronarët e eurove nuk dihen. Sipas policisë nga fillimi i vitit në vend janë regjistruar 29 kapje të tetativave për të future kartmonedha ilegalisht në Shqipëri.

Pa kaluar 24 orë nga kapja e 522 mijë eurove në portin e Durrësit në autobusin e linjës së Barit një tjeter operacion u finalizua me sekuestrimin e një shume tjetër prej 25 mijë eurove.

Policia e Durrësit mori informacione më hërët për një furgon i cili do të vinte nga Bari dhe sapo mjeti kaloi në skaner u zbulua edhe shuma e parave të fshehura në kabinë.

Deri në këtë fazë policia ka arrestuar shoferin e mjetit ndërkohë që po vazhdon hetimet për personat e përfshirë.

Policia po vazhdon hetimet edhe për rastin e të premtes kur në port u zbuluan 522 mijë euro.

Autobusi i kompanisë ‘Buona Ventura’ është vendosur masë sekuestro preventive pas aksionit të zhvilluar në koordinim me Doganën e Durrësit.

Policia ka referuar në prokurori dosjen për 32-vjeçarit Elidon Çela, për veprat penale Kontrabandë, kalim në kufi të vlerave monetare të padeklaruara dhe pastrim parash.

Sipas të dhënave të siguruara nga OraNews hyrja ilegale e sasive monetare në vend është një fenomen në rritje pasi në 8 muajt e parë të këtij vitit efektivët kanë arritur të zbulojnë 29 raste në aeroporte, porte dhe pika kufitare. Në krahasim me të njejtën përiudhë të një viti më pare, rastet janë 14 më shumë.

Nga janari i këtij viti e deri në gusht u kapën nga policia 289,295 euro si dhe 30,000 paund. E ndërsa një vit më parë në të njëtën përiudhë u kapën 746,535 euro, 221,570 paund si dhe 33, 100 dollarë.

Sipas policisë në të shumtën e rasteve të hetuara dyshohët se këto shuma janë përfituar nga aktiviteti kriminal i personave të ndryshëm.

Nga hetimet ka rezultuar se pronarët e këtyre parave rekrutojnë persona të beshueshëm për futjen e kartmonedhave në shtete të ndryshëm me qëllim tjetërsimin e origjinës së vlerave monetare.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть