كلمات الـشـاعـر/ ابـو ذيــاب انـور مـشـرم
مـهداه الى/ ابو عـدي صـالح يـسلم بـادخـن
سلام يامولى الصفات النادره
ياكاسب الجودات والطبع الحسين
مولى الكرم هو والشروع العامره
تسليم لك من راس شاعر مستكين
لك القوافي جات لجلك حاضره
من هاجسي ذي جاب لك من كل زين
وابو عدي يارب تجبر خاطره
على مدى جوده تمده يامعين
انا اشهد انك بحر شل الباخره
وفي مراسـي العز والعزه رسين
عاد الخلايق بعظهمه فاتره
اما انت لا والله ياكنز الثمين
وكيف باتقرب قداك القاصره
وانته لها موجود يالحصن الحصين
من قوم صعبه قاسيه متعاصره
وقت الـشدايد تطحن الدنياء طحين
وفي ربى عرمه تدور الذاكره
من حيث ماحليت يالدرع المتين
ويا نسانيس الصباح العابره
هبي على ذي له في الغربه سنين
بريق قطرات النداء المتقاطره
حنين من فارق خليله والضنين
