БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Шымкентте жаңадан ашылған Жайлы мектеп ұстаздарға жайсыздық туғызған. Өйткені №69 білім ошағының мыңнан астам оқушысы жаңа ғимаратқа көшкенімен мұғалімдері сағатсыз қалыпты. Ал, бір жыл бұрын басшылық Жайлы мектепке оқушыларыңмен көшесіңдер деп сендірген екен. Енді жаңа жұмыс орнына конкурс арқылы барасыңдар деп жаңа ереже ойлап тапқаны ұстаздардың наразылығын туғызды. Педагогтар біліктілігімізге алаңдамаймыз, өйткені іріктеудің әділ өтетініне күдік көп дейді.
Біз өз орнымыздан айырылып қаламыз деп қорықпаймыз санаттылар. Мына жастар не істейді сонда? Жастар қашанғы осылай әркімнің тепкісінде жүреді. Мұғалімнің мәртебесі не болды сонда?
Жиналған бұл ұстаздар Шымкенттегі №69 мектепте жұмыс істейді. Білім ұясында 2500-ден астам шәкірт оқыса, оларға 200-ден астам мұғалім сабақ береді екен. Ал, келесі жылы мұнда 1200 оқушы ғана қалмақ. Қалғаны ауданда жаңадан ашылған Жайлы мектепке ауысады. Қазірдің өзінде сегіз сағатпен жұмыс істейтін ұстаздар бала саны азайса жалақымыз мардымсыз болып қала ма деп алаңдаулы.
ДОСЫМХАН РАСЫМБЕТОВ, мектеп мұғалімі:
- Сегіз сағат дегеніңіз 100 мың теңге болады. Қалай күн көреміз 100 мың теңгеге. Ойлап көріңізші 1 қап ұныңыз, 1 майыңыз продуктіге жетпейді ғой бұл. Күндіз мектепте істесе, түнде тағы стройка жұмыс істейді. Таксилік қылады. Осылай күнін көріп жүр барлығы. Енді 60 пайыз оқушыны алады. 150 мұғалімді конкурс арқылы қабылдайды екен. Конкурс дегеніңіз бұл сыбайлас жемқорлық. Ақшасы бар өтеді ол жерден. Ақшасы жоқ бізге ұқсаған мұғалімдер қалай өтеді?
Бұған дейін басшылық ұстаздарды Жайлы мектепке оқушыларымен бірге ауысасыңдар деп жұбатқан екен. Ол арнайы бұйрықта да көрсетілген дейді көпшілік. Алайда, іс жүзіне келгенде жаңа мектепке мұғалімдер тек конкурспен қабылданатын болыпты.
АЙҒАНЫМ ЕГЕУБАЕВА, мектеп мұғалімі:
- Жайлы мектептер осы уақытқа дейін екі мектеп ауысты да дәл осы 57 бұйрықты қамтыды. Енді келесі Жайлы мектеп ашылады да ол Жайлы мектеп ашылған кезде конкурс болады дейді. Ал, горано біздің алдында тізімді алып алған. Оқушылар ауысқан кезде мұғалімдердің ауысатын тізіміні алып алған. Ол қайда қалды?
Шымкент қалалық білім басқармасы болса №69 мектептің аттестациядан өтпегенін айтады. Ұстаздар сынаққа күдікпен қараса, жауаптылар олардың біліміне күмәнмен қарайды. Сондықтан Жайлы мектепте тек іріктеуден өткендер қабылданады деп отыр.
ӘСЕТ ШОРАХМЕТ, Шымкент қаласы білім басқармасы ұйымдастыру және бақылау бөлімінің басшысы:
- Қараша айында ашылған екі Жайлы мектебіміз басқа мектептен ауысу тәртібімен келген педагогтар сапа жөнінде төменгі көрсеткіш көрсетіп отыр. Себебі Қазақстан ішінде 20 облыс болатын болса, біз 20 орында тұрмыз. Себебі басқа мектептен ауысып келген мұғалімдер ең төменгі санатты мұғалімдерді жіберіп отыр. Бүгінгі таңда лицензия алмау қаупі бар.
Сондықтан Жайлы мектептерге ұстаздар бұдан былай тек конкурс арқылы қабылданбақ. Жаңа талап барлығына ортақ дейді шенеуніктер.
---------------------------------------------
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
