Елдегі 10 мыңға жуық мектепте террористік қауіптілік әлі де жоғары. 100% бейнебақылау жүйесімен жабдықталғанына қарамастан, білім ошақтарының 55% бекітілген стандарттарға сәйкес келмейді. ГРА. Мұны министр Аймағамбетовтің өзі мойындады. Негізі, бұл мәселені шешу үшін жергілікті бюджеттерден 1,4 миллиард теңге бөлініпті. Ал мектептердегі дабыл түймелерінің саны небәрі - 648 ғана. Оған 828 млн теңге жұмсалған. Бұдан бөлек, бүгінде оқу ордаларын турникеттер мен ата-аналардың телефонымен біріктірілген арнайы кіру карталарымен қамту жоспарланып отыр.
ҮКІМЕТ ӘЗІРЛЕГЕН ҚҰЖАТ ОҚУ ОРДАЛАРЫНЫҢ ЛАҢКЕСТІККЕ ҚАРСЫ ҚОРҒАНЫСЫН КҮШЕЙТЕ МЕ?
ЖАСӨСПІРІМДЕРМЕН ПСИХОЛОГИЯЛЫҚ ЖҰМЫС ЛАЙЫҚТЫ ДЕҢГЕЙДЕ ЖҮРГІЗІЛЕ МЕ?
Бірақ бұл шаралар қаніпезер, қандықол қылмыскерлерге тосқауыл бола ма? Осы ретте қауіпсіздікті күшейтпесек, болмайды. Себебі бүкіл Ресейдің зәре-құтын қашырған мұндай сойқанның бізде де болуы әбден мүмкін. Жалпы, тарихқа көз жүгіртсек, алғашқы атышулы мұндай қылмыстар АҚШ-тан бастау алады. Мамандар: "білім ошақтарындағы өлтіру эпидемиясы осы Америкадан бүкіл әлемге таралған",- дейді. Солардың біріне - "Қорқыныш күні" деп аталып кеткен Колорадодағы Колумбин мектебінде болған атысты жатқызуға боады. Мұнда оқушылардың өздері оқыған мектепке жасаған алғашқы және ұзақ уақыттағы ең жаппай шабуылы ретінде тарихта қалды. 1999 жылдың сәуірінде екі жеткіншек атыс қаруы мен жарылғыш заттарды қолданып, мектептің 12 оқушысы мен мұғалімін өлтірді. Содан кейін екеуі де өз-өзіне қол жұмсаған. Осы қайғылы оқиғадан кейін бірқатар ұқсас шабуылдар АҚШ-ты шарпыды. Артынша дөңгеленген дүниеге тарады.
Әрине, бетін аулақ қылсын, бірақ "сақтансаң, сақтаймын" дейді. Жаман айтпай жақсы жоқ! "Пермьдегі жағдайдан сабақ алауымыз керек" деді бүгін министр. Алайда сабақ алатын жайттар көбейіп жатқан жоқ па? Бейнебақылау камераларының шабуылдарға тосқауыл болмайтынын ведомство басшысының өзі де мойындады. Енді қалай алдын алу керек? Үкіметтің оқу ордаларының лаңкестікке қарсы қорғанысына қатысты құжаты нені өзгертеді?
Жұлдыз Сүлейменова, ҚР Парламенті Мәжілісінің депутаты
Telegram Qaz - [ Ссылка ]
Telegram Rus - [ Ссылка ]
Facebook - [ Ссылка ]
Instagram - [ Ссылка ]
ВКонтакте - [ Ссылка ]
«Atameken Business» online: [ Ссылка ]
Cайт - [ Ссылка ]
Atameken Business Programs - [ Ссылка ]
#AtamekenBusiness #Inbusinesskz #НовостиКазахстана
