پڵنگ لە کوردستان،
پڵنگی زاگرۆسی...
Leopard in Kurdistan,
Zagrosian Leopard...
نمر في کردستان،
نمر زاغروس...

پلنگ در کردستان،
پلنگ زاگرس...

زنجیرەی خۆراکی...

تێبینی1/ ئەم جۆرە پڵنگەی، کە لە کوردستاندا هەیە، پێشتر بەشێوەیەکی گشتی و چڕ، بە(پڵنگی فارسی) ناوی دەهێندرا، دوای ئەوەی چەند جارێک ڕەخنەیشمان لێگیرا، گوایە نابێت ناوەکەی بگۆڕین و تازە وەها ڕۆیشتووەو هەوڵەکانمان بێسوود دەبن، بەڵام سوپاس بۆ خودا، ئێمە هەر بەردەوام بووین لەبەکارهێنانی ناوەکەی، بە(پڵنگی زاگرۆسی)، هەتا توانیمان وردە وردە بەڕادەیەکی زۆر دڵخۆشکەر، ئەو ناوەی پێشووی لێ دابماڵین و لەناو زۆربەی چین و توێژە جیاوازەکاندا، بیکەین بە(پڵنگی زاگرۆسی)، ئەویش لەئەنجامی چەندین نوسین و بەرنامەو پێدانی زانیاری و ناچارکردنی ناوهێنانی ناوی گونجاوی، لەلایەن بەشی زۆری ئەو ڕاگەیاندکارو کەناڵانەوە، کە بەرنامەمان لەتەکدا کردوون، چونکە ڕەسەنترین شوێنی جوگرافیای ژیانکردنیان، (شاخەکانی زاگرۆس) بووە...

تێبینی2/ ئەگەر بێت و ئێمە گرنگی زیاتر بەژینگەو ژیانی کێوییەکان بدەین و وازیان لێبهێنین و چیتر لەناویان نەبەین، هەتاوەکو ژمارەی ئەم جۆرە پڵنگە زیاد بکات و بتوانین بەداتا بیسەلمێنین، کە شاخەکانی کوردستان، زۆرترین ڕێژەی ئەم پڵنگەیان لەخۆگرتووە، ئەو کاتە دەتوانین لەڕووی جیهانیشەوە، ناوە باوەکەی بکەین بە(پڵنگی زاگرۆسی)...

تێبینی3/ ئەو گێڕانەوەیە، کە لەناو بەرنامەکەدا باسی بیستنی (نەڕەی پڵنگ)ێک دەکەین، ئەفسانە نییەو ڕووداوێکی ڕاستییە، بەڵام ئەو جارە خوودی پڵنگەکەمان نەبینی، تەنها بەباشی نەڕەکانیمان بیست، لێدوانەکانمان ئەو بەشەی لێقرتاوە، کە دەڵێین: زۆر لێمان نزیک بوویەوەو کامێراو مۆبایلمان بۆ ئامادەکردوو چاوەڕێ بووین، لەسەر ئەشکەوتەکە بێتە خوارەو ڤیدیۆی بکەین، بەڵام نەهاتە خوارەوەو ئێمەیش لەناو ئەشکەوتەکەدا، بەهێمنی لەچاوەڕانی دیداریدا چەند خولەکێک ماینەوە.
ڕووداوەکە بەهاری(2023) بوو، وە ئەم چەند کەسە بووین(توانا مەجید، ڕێباز یوسف، دانا حەمید، بەهێز فاروق و خۆم)، ئەوەی زۆر جێگای دڵخۆشی بوو لامان، ئەوەبوو کە هەر پێنج کەسەکەمان، بەباشی گوێمان لەنەڕەکانی بوو، ئەوەندە بەلامانەوە خۆشبوو، هەموومان خەومان لێزڕا، نەک لەترسا، بەڵکو لەخۆشی بیستنی ئەو دەنگە دەگمەن و نایابە پڕ لە ئارامی و هاوڕێیەتییە...

تێبینی4/ لەئەم بەرنامەیەدا، چەند وێنەو ڤیدیۆیەک بەکار هێنراوە، کە ئەرشیف و داتای ئێمە نەبوون و ئاگایشمان لەبەکارهێنانیان نییە، بۆیە ئەوانەی شیردەرەکانمان بەوێنەو ڤیدیۆی خۆمان داپۆشی و ناوی خۆمان خستووەتە سەریان، ئێستا چەند دیمەنێکی باڵندە نەبێت، لەسەرەتای بەرنامەکەدا، هەموو وێنەو ڤیدیۆکان، کە تێیدا دەیبینن، بەتایبەتی هی شیردەرەکان، داتای خۆمانن...

*** لەکەناڵی(Rudaw)وە، لەتەک بەڕێز: دکتۆر کارزان هەورامیدا، بەرنامە دۆکیۆمێنتارییەکی هاوبەشمان، لەسەر(زنجیرەی خۆراکی و پڵنگ) وەک لوتکەی هەڕەمەکە، زۆر سوپاسمان هەیە، بۆ ماندوو بوون و هەوڵەکانی کاک ژیاری پێشکەشکارو برایانی کامێرامان و هەموو هاوکارانیان، لە کەناڵی ڕووداو...

پڵنگەکان بەشێکی گرنگن لەسروشت و ژینگەی کوردستان، وە ڕۆڵێکی زۆر گرنگیان هەیە لەپاراستنی سیستەمی ژینگەییدا،
پێویستە پارێزگارییان لێبکەین و ڕێگا نەدەین بکوژرێن...

Leopards are an important part of the nature and environment of Kurdistan، and they play an important role in protecting the ecosystem,
We have to protect them and not let them be killed...

تعتبر النمور جزءا مهما من الطبيعة وبيئة كردستان، وتلعب دورا مهما في حماية النظام البيئي،
علينا حمايتهم وعدم السماح لهم بالقتل...

Leoparder er en viktig del av naturen og miljøet i Kurdistan, og de spiller en viktig rolle i å beskytte økosystemet,
Vi må beskytte dem og ikke la dem bli drept...
............

Nabaz Horeny

свернуть