Spitalet rajonale që prej nisjes së pandemisë po trajtojnë rastet urgjente të të prekurve më Covid por dhe të dyshuarit. Durrësi renditet pas Tiranës si qyteti më numrin më të lartë të të infektuarve në vend. Ndaj në spitalin e këtij qyteti aktualisht po marrin trajtim 15 të prekur me Covid.
“Pranë urgjencës është ngritur pika e triazhit dhe ata persona që kanë simptoma të lehta trajtohen aty, ndërsa ata më gjendje më të rënduar nisën drejt kryeqytetit”, thotë drejtoresha e spitalit.
Ndërkaq dhe në Vlorë ka raste që të infektuarit shtrohen në ambiente spitalore të posaçme.
“Ne periudhë të ndryshme janë hospitalizuar të prekur me Covid, por edhe me simptoma të tjera. Në bazë të gjendjes pas analizave janë karantinuar në shtëpi ose janë dërguar në Tiranë”.
Nëse deri më sot spitalet rajonale po përballen me pak të shtruar dhe të prekur kalimtarë po rritjen e rasteve kanë nisur përgatitje për një skenar më të keq. Në Durrës pavioni i Infektivit do jetë në dispozicion të të prekurve nga virusi në gjendje të rëndë.
“Reparti infektiv ka 40 shtretër dhe ditët e fundit po punohet me itensitet për instalimin e aparaturave të domosdoshme për pacientët e prekur me Covid 19’, thotë drejtoresha.
Per informacionet me te fundit klikoni:
Web: [ Ссылка ]
Facebook: [ Ссылка ]
Instagram: [ Ссылка ]
Subscribe kanalin tone ne: youtube:[ Ссылка ]
#abcnews #abcnewsalbania
