Жоғары аудиторлық палатаның (ЖАП) аудит нәтижелеріне сәйкес 2020-2022 жылдарда жеке білім беру ұйымдарының педагог қызметкерлерін ұлттық біліктілік тестілеу нәтижелері көрсеткіштерінің жыл сайынғы төмендеуі анықталған. Бұл білімнің сапасын, оқушылардың дайындығын көрсетеді.
Білім алушылардың білім жетістіктеріне мониторинг жүргізу нәтижелерін талдау қорытындысы бойынша барлық жекеменшік мектептердің 4 және 9-сыныптар бойынша ең жоғары балдарға қол жеткізбеген, жартысының нәтижелері орташа көрсеткіштен төмен болған.
Бұдан басқа, жан басына шаққандағы қаржыландыру мәселесінде де бірқатар жүйелік проблемалар мен кемшіліктері анықталған.
Мәселен, 2020-2022 жылдары Оқу-ағарту министрлігі тарапынан (бұрын - Білім және ғылым министрлігі) жеке ұйымдарға 294 лицензия берілген, оның 107 ұйымы біліктілік талаптарына сәйкес келмеген. Жекеменшік мектептердің материалдық-техникалық базасы белгіленген талаптарға сай келмейді. Мысалы, заңды тұлғалардың үштен бірі (350-ден) ескі ғимараттарда (50 жылдан астам - 40 мектеп, 11%, 30 жылдан астам - 70 мектеп, 20%), 44% - бейімделген үй-жайларда (бұрынғы сауда үйлері, мейрамханалар, дүкендер мен моншалар) оқытуды жүзеге асырады.
Бұдан басқа, ұйымдардың 28%-ы білім беру процесін кітапхана қорынсыз, 17%-ы спорт залынсыз, 14%-ы медициналық кабинетсіз жүзеге асырады. Мектептердің едәуір бөлігі азаматтық қорғаудың құлақтандыру жүйесімен (29%) және дабыл қағу батырмаларымен (23%) жабдықталмаған.
Сұрақ: жан басына шаққандағы қаржыландыру аясында жекеменшік мектептердің білім беру қызметтерінің сапасын қадағалау мен реттеуді қамтамасыз ету бойынша министрлік қандай тиімді шаралар қабылдауда?
