İşğaldan azad olunmuş ərazilərində sərnişin marşrut avtobuslarının hərəkəti polislər tərəfindən müşayiət ediləcək. ANAMA tərəfindən sürücülərə təlimlər keçirilib. Sərnişinlər üçün avtobuslarda video təlimat nümayiş olunacaq. Avtobuslar konkret marşrut üzrə hərəkət edəcəklər. İşğaldan azad olunan ərazilərə səyahət etmək istəyənlər biletləri elektron qaydada əldə edə biləcəklər. Bu məqsədlə "yolumuzqarabaga.az" portalı da yaradılıb. Məlumat bazasında hər bir sərnişinin bu ərazilərə daxil olmaları üçün xüsusi icazəsi, həmçinin COVID-19 əleyhinə peyvənd olunmaları barədə də məlumatlar avtomatik şəkildə əks olunacaq. Qarabağa hər kəs ildə bir dəfə səfər edə biləcək. Bakıdan Şuşaya avtobus bileti 10 manat 40 qəpik olacaq. Qeyd edək ki, Qarabağa səfərlər Vətən müharibəsi qəhrəmanları, Milli Qəhrəmanlar, şəhid ailəsinin üzvləri və Qarabağ müharibəsi əlilləri üçün ödənişsizdir. Xatırladaq ki, azad olunmuş ərazilərə yanvarın 24-dən etibarən ilk müntəzəm avtobus marşrutlarının açılması gözlənilir.
**



[ Ссылка ]
[ Ссылка ]
[ Ссылка ]

#ictimaitv #video #televiziya #baku #videolar #itv

свернуть