ԲՀԿ առաջնորդ Գագիկ Ծառուկյանը քարոզարշավի շրջանակում Վայոց ձորի Եղեգնաձոր համայնքում էր։ Այստեղ ԲՀԿ պատգամավորի թեկնածու է առաջադրվել Սերգեյ Բագրատյանը։ ԲՀԿ առաջնորդին դիմավորեցին աղ ու հացով։
Ծառուկյանը ներկայացնելով թեկնածուին՝ նկատեց, որ նա գործի մարդ է և արդեն ապացուցել է, որ կարող է ժողովրդի խնդիրները վեր հանել և լուծում տալ։
Իր հերթին Գագիկ Ծառուկյանը խոստացավ բնակարանների հարց լուծել Եղեգնաձորում։ «Մենք լավություն չենք անում, պետությունը պետք է հող հատկացնի, իսկ մենք մատչելի պայմաններով բնակարանները տանք երիտասարդ ընտանիքներին՝ հնարավորություն տալով նրանց 8-10 տարում մարել պարտքը»,- իր ելույթում ասաց Ծառուկյանը։
Բացի այդ, խոստացավ Եղեգնաձորում բացել գործարան։ Արդեն եկող գարնանը, ընկերություններից մեկի հետ համատեղ, ԲՀԿ առաջնորդի խոսքով, կսկվի շինարարությունը։
Կկառուցվի մետաղի արտադրությամբ զբաղվող սիլեցիումի գործարան՝ նախնական 3, ապա 5 վառարանով։
