Në rezervuarin e fshatit Kolanec të Maliqit u hodh trupi i pajetë i 26-vjeçarit Martin Çeço, i cili fillimisht ishte mbytur me litar duke i shkaktuar vdekjen.
Valter Mollaj, Edlir Mollaj dhe Bleti Angjo janë arrestuar për këtë ngjarje dhe janë lënë në masën e sigurisë arrest në burg.
Emisioni Uniko nga Spartak Koka në Klan Plus ka shkuar në rezervuarin e fshatit Kolanec, ku banonte dhe vetë 26-vjeçari Martin Çeço.
Në këtë rezervuar takojmë një banor të fshatit, i cili ishte ndër ata persona që kishin parë trupin kur u konstatua për herë të parë dhe më pas lajmëruan policinë.
Gazetari Spartak Koka ka shkuar në të gjitha vendngjarjet përreth rezervuarit të konsideruara si skenë krimi.
Në piketën nr.1 ishte gjetur shapka e parë e 26-vjeçarit. Ndërsa në bregun përballë dallohej me sy të lirë trupi i të riut që pluskonte mbi ujë, sipas dëshmisë së banorit që na shoqëron. Kjo është edhe skena e nr.2 e krimit.
Disa metra më tutje në vijën përreth liqenit është skena nr.3 e vendngjarjes, ku ishte gjetur shapka tjetër e Martin Çeço.
Autorët kanë dashur të inskenojnë se 26-vjeçari ishte vetëmbytur.
Por hetuesit kishin zbuluar aty pranë një litar, në të cilin ekspertiza mjeko-ligjore gjeti shenja gishtërinjsh që i përkasin Valter Mollajt, Edlir Mollajt dhe Bleti Angjos. Hetimet zbuluan se 26-vjeçari Martin Çeço ishte mbytur me litar dhe më pas trupi i ishte hedhur në rezervuar.
Shkak i krimit dyshohet të ketë qenë një vajzë me të cilën kishte folur 26-vjeçari, por që mendohet se ka qenë në lidhje me një nga autorët e dyshuar, Valter Mollajn. /tvklan.al
#Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
