Sulmi kibernetik i sponsorizuar nga Irani u përballua me sukses, por agresioni vijon çdo ditë. Kështu deklaroi kryeministri i Shqipërisë, Edi Rama i pranishëm në një nga panelet e Forumit Ekonomik Botëror në Davos ku fokusi ishte siguria kibernetike. Rama thotë se infrastruktura kritike vijon të përballet me sulme të tilla.
“Ne jemi ende nën sulm. Dhe janë praktikisht të qëllimshme. Është e lodhshme dhe e frikshme. Sulmi i bërë sipas analizave ishte një nga më të fuqishmit e bërë ndonjëherë. Ne rezistuam shumë mirë mendoj në krahasim me targetin që kishin sulmuesit. Qëllimi i tyre ishte ta fshinin totalisht sistemin tonë dixhital dhe të na rikthenin te ‘epoka e letrës’. Kjo nuk ndodhi dhe ne ia dolëm”, u shpreh Rama.
Kreu i qeverisë shqiptare e vuri theksin tek bashkëpunimi mes vendeve për ndërtimin e barrierave mbrojtëse që janë mjaft të kushtueshme për vende të vegjël.
“Ne zbuluam se është shumë e rëndësishme të mësohet nga vendet aleate se çfarë armësh po përdoren kundër nesh apo çfarë ndërhyrjesh në sistem, sepse kështu mund të kuptojmë për llojin e armës. Kështu merret më shumë informacion duke qenë në koalicion. Shpresoj se vendet nuk do të bëjnë gabimet e fillimit të pandemisë duke u mbyllur dhe ndaluan bashkëpunimin”, tha Rama.
Shqipëria pësoi një sërë sulmesh kibernetike në muajt shtator dhe korrik të vitit të kaluar. Pas hetimeve të kryetra nga ekspertë të Mikrosoft dhe FBI u zbulua se pas tyre qëndronte regjimi iranian duke bërë që Tirana zyrtare t’u jepte fund marrëdhënieve diplomatike me këtë vend.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
