Loftslagsbreytingar eru náttúrúvá og mesta áskorun sem samfélagið stendur frammi fyrir. Á sama hátt og við bregðumst við þegar náttúruvá á borð við eldgos á Reykjanesskaga dynur yfir, þarf samfélagið að beita réttum aðgerðum við að takast á við loftslagsbreytingar. Þær aðgerðir þurfa að byggja á vísindalegum grunni sem myndar “brú milli vísinda og samfélags” og eykur getu okkar til að takst á við áskoranir af völdum loftslagsbreytinga. Þannig á samfélag okkar auðveldara með að standa af sér storma framtíðarinnar.
