Պատարագիչ՝ Տեր Մեսրոպ քահանա Արամյան։
01.01.2023 թ Սուրբ Պատարագ Կոնդի Սուրբ Հովհաննես Մկրտիչ եկեղեցում։
Զ կիւրակէ Յիսնակի
ԿԻՐԱԿԻ
Նախկինում այն կոչվել է միաշաբաթ, քանի որ շաբաթվա առաջին օրն է: Քրիստոս այս օրը հարություն առավ, ինչի շնորհիվ այն սրբագործվեց՝ ստանալով նոր իմաստ և նոր անուն՝ կիրակի, որ հունարեն նշանակում է տերունական:
Միաշաբաթը քրիստոնյաների համար հավետ փառավորվեց Տիրոջ անունով և դարձավ հույժ պատվելի ու մեծարվող: Այդ օրը Քրիստոս հարություն տվեց մարդկային բնությանը և մեզ ազատագրեց մեղքի մահից: Այնուհետև Պենտեկոստեին, դարձյալ կիրակի օրը, կատարվեց հաջորդ գլխավոր իրադարձությունը՝ ս. հոգեգալուստը, որով մարդիկ նորոգություն ստացան և նախաճաշակեցին երկնային կյանքի բարիքները:
Այսպես կիրակին դարձավ անհամեմատ մեծ և կարևոր մի օր, որը խորհրդանշում է ապագա հավիտենական խաղաղությունը: Այս պատճառով Եկեղեցում այն վերածվեց կենցաղի հոգսերից հանգստանալու և ամբողջովին Աստծուն նվիրվելու օրվա, ինչպիսին Իսրայելի համար շաբաթն էր:
Առաջին քրիստոնյաները այս օրն էին հավաքվում ագապեների, որոնք, հետագայում զարգանալով, վերածվեցին կիրակնօրյա պատարագի արարողության: Ըստ Եկեղեցու վարդապետների՝ կիրակի օրն է լինելու նաև Տիրոջ երկրորդ գալուստը, երբ հարություն կառնեն բոլոր մարդիկ՝ կանգնելու ահեղ դատաստանի առջև:
Տիգրան Խաչատրյան
Աւետարան ըստ Ղուկասի 22.24-30
24 Եւ նրանց մէջ հակաճառութիւն առաջացաւ, թէ իրենցից ով պիտի մեծ համարուի:
25 Եւ նա նրանց ասաց. «Ազգերի թագաւորները տիրում են իրենց ժողովուրդների վրայ, եւ նրանք, որ իշխում են նրանց վրայ, բարերարներ են կոչւում:
26 Բայց դուք այդպէս չլինէք, այլ ով որ մեծ է ձեր մէջ, թող լինի ինչպէս կրտսերը, իսկ առաջնորդը՝ ինչպէս սպասաւորը:
27 Ո՞վ է մեծ՝ սեղան նստո՞ղը, թէ՞ սպասաւորը: Չէ՞ որ՝ սեղան նստողը: Բայց ես ձեր մէջ եմ իբրեւ սպասաւոր:
28 Եւ դուք էք, որ իմ փորձութիւնների մէջ ինձ հետ էիք մնում մինչեւ այժմ:
29 Եւ ես խոստանում եմ ձեզ, ինչպէս եւ իմ Հայրն ինձ խոստացաւ տալ արքայութիւնը,
30 որ ուտէք եւ խմէք իմ սեղանից իմ արքայութեան մէջ եւ նստէք տասներկու գահերի վրայ՝ դատելու Իսրայէլի տասներկու ցեղերին»:
Թուղթ եբրայեցիներին 13.18-25
18 Աղօթեցէ՛ք մեզ համար, որովհետեւ հաստատ գիտենք, որ մաքուր խղճմտանք ունենք. ուզում ենք ամէն ինչում բարի ընթացք ցոյց տալ:
19 Եւ առաւել եւս եմ աղաչում, որ այդ բանն անէք, որպէսզի աւելի շուտ դառնամ ձեզ մօտ:
20 Եւ խաղաղութեան Աստուածը, որ մեռելների միջից յարութիւն առնել տուեց մեր Տէր Յիսուսին, որը յաւիտենական ուխտի արիւնով ոչխարների մեծ Հովիւն է,
21 ձեզ հաստատ թող պահի բարի գործերի մէջ, որպէսզի կատարէք իր կամքը. եւ մեր մէջ թող կատարի իրեն հաճելի եղող բաները Յիսուս Քրիստոսի միջոցով, որին փա՜ռք յաւիտեանս: Ամէն:
22 Եղբայրնե՛ր, աղաչում եմ ձեզ անսալ յորդորի այս խօսքերին, մանաւանդ որ համառօտակի գրեցի ձեզ:
23 Եւ իմացէ՛ք, որ մեր եղբայրը՝ Տիմոթէոսը, բանտից ազատուել է: Եթէ շուտով գայ, նրա հետ միասին պիտի տեսնեմ ձեզ:
24 Ողջունեցէ՛ք ձեր բոլոր առաջնորդներին եւ բոլոր սրբերին. ձեզ ողջունում են նրանք, որ Իտալիայի կողմերից են:
25 Շնո՜րհ ձեզ բոլորիդ:
Եսայու մարգարէութիւնը 51.15-52.3
15 Ես եմ քո Տէր Աստուածը, որ ալեկոծում եմ ծովը եւ նրա ալիքներին ստիպում մռնչալ. Զօրութիւնների Տէր է իմ անունը:
16 Իմ խօսքերը քո բերանը դրեցի եւ իմ ձեռքի հովանու տակ առայ քեզ, որպէսզի երկինքը կանգնեցնեմ, երկրի հիմքերը հաստատեմ եւ ասեմ Սիոնին. “Դու իմ ժողովուրդն ես”:
17 Զարթնի՛ր, զարթնի՛ր, ել կանգնի՛ր, Երուսաղէ՛մ, դու, որ Տիրոջ ձեռքից խմեցիր նրա բարկութեան բաժակը, կործանման բաժակը, ցասման բաժակը, որ խմեցիր ու դատարկեցիր:
18 Եւ քո բոլոր որդիների մէջ, որոնց դու ծնեցիր, մէկը չեղաւ, որ մխիթարէր քեզ. քո բոլոր որդիների մէջ, որոնց դու մեծացրիր, մէկը չեղաւ, որ զօրավիգ դառնար քեզ:
19 Երկու բան կայ քեզ հակառակ. եւ ո՞վ է, որ ցաւակից է լինելու քեզ. կործանում եւ կոտորած, սով եւ սուր է լինելու, եւ ո՞վ է, որ մխիթարելու է քեզ:
20 Քո որդիները տարակուսած քուն են մտել բոլոր ճանապարհների խաչմերուկներում: Նրանք կարծես կիսեփ ճակնդեղ լինեն: Նրանց մէջ Տիրոջ բարկութիւնն է լցուած, նրանք խոտորուած են Տէր Աստծուց:
21 Դրա համար էլ լսի՛ր, ո՛վ տառապեալդ, որ հարբած ես, բայց ոչ գինուց:–
22 Այսպէս է ասում Տէր Աստուած, որ դատում է իր ժողովրդին.– ահա քո ձեռքից հեռացրի կործանման բաժակը՝ իմ բարկութեան բաժակը, եւ դու այլեւս չես խմելու այն:
23 Այն տալիս եմ քեզ վնասողների ձեռքը, նրանց ձեռքը, ովքեր տառապանքի դատապարտեցին քեզ, ովքեր քեզ ասում էին. “Խոնարհուի՛ր, որ անցնենք”: Եւ քո մէջքը գետնին հաւասար դարձրին քեզ վրայով անցնողների համար»:
52
1 Զարթնի՛ր, զարթնի՛ր, Սիո՛ն, հագի՛ր քո զօրութիւնը, Սիո՛ն. դու էլ քո փա՛ռքը հագիր, ո՛վ սուրբ քաղաքդ Երուսաղէմ, որովհետեւ պիղծերն ու անթլփատներն այլեւս չեն անցնելու քո միջով:
2 Թօթափի՛ր քո փոշին, ոտքի՛ ել ու նստի՛ր, ո՛վ Երուսաղէմ, քանդի՛ր քո պարանոցի կապը, ո՛վ դու Սիոնի գերի դուստր:
3 Արդարեւ, այսպէս է ասում Տէրը. «Դուք ձրի վաճառուեցիք եւ արծաթով չէք փրկուելու:–
#սուրբպատարագ #սուրբհովհաննես #տերմեսրոպ #նորտարի #քահանա #պատարագ #liturgy #armenia
