Ўзбекистон Кластерлар уюшмаси раисига тегишли икки кластер қарздорлиги учун банкрот қилинмоқда.
Озодлик қўлга киритган ҳужжатларга кўра, TCT Agro Cluster салкам 360 миллиард сўм қарзини тўлашга лаёқатсиз, деб топилган. BCT Cluster Agrokompleks эса банкротлик ёқасида.
Шу кунда мамлакатда жами 50 дан ортиқ кластер банкрот бўлгани ёки банкротлик арафасида экани айтилмоқда. Кластерлар зиммасидаги қарздорлик, норсмий маълумотларга кўра, 1 миллиард АҚШ долларидан ошган.
Яъни, мамлакатда кластерлик тизимининг меъмори саналган Раҳматовнинг ўзига қарашли 3 йирик кластерлар тармоғи, Озодлик тасарруфидаги ҳужжатларга кўра, бир неча юз миллион долларлик қарзга ботган.
Бугунга келиб кўплаб кластерда кредит қарзи бор. Бунинг устига, фермерларга ўтган икки йилдан бери тўланмаётган буғдой ва пахта пулидан қарздорлик ҳам йиғилган.
Бундан ташқари, бу йилги пахтанинг нархи ҳам катта можаро бўлмоқда. Ҳокимиятлар жойларда фермерларни пахтани йил бошида белгиланган нархдан паст нархга сотишга зўрламоқда. Пахтанинг нархини тушириш бу йил ҳам ҳукумат қарори билан бошланди.
Бундан ташқари, фермернинг зарарини қоплаш учун давлат ғазнасидан ажратилаётган субсидия ҳам кластер чўнтагида қолишидан хавотирлар бор.
🔴 Ozodlik kanaliga obuna bo'ling! 👉 [ Ссылка ]
🔴 Bizga xabar yo'llash uchun 👉 [ Ссылка ]
O‘zbekiston Klasterlar uyushmasi raisiga tegishli ikki klaster qarzdorligi uchun bankrot qilinmoqda.
Ozodlik qo‘lga kiritgan hujjatlarga ko‘ra, TCT Agro Cluster salkam 360 milliard so‘m qarzini to‘lashga layoqatsiz, deb topilgan. BCT Cluster Agrokompleks esa bankrotlik yoqasida.
Shu kunda mamlakatda jami 50 dan ortiq klaster bankrot bo‘lgani yoki bankrotlik arafasida ekani aytilmoqda. Klasterlar zimmasidagi qarzdorlik, norsmiy ma’lumotlarga ko‘ra, 1 milliard AQSH dollaridan oshgan.
Ya’ni, mamlakatda klasterlik tizimining me’mori sanalgan Rahmatovning o‘ziga qarashli 3 yirik klasterlar tarmog‘i, Ozodlik tasarrufidagi hujjatlarga ko‘ra, bir necha yuz million dollarlik qarzga botgan.
Bugunga kelib ko‘plab klasterda kredit qarzi bor. Buning ustiga, fermerlarga o‘tgan ikki yildan beri to‘lanmayotgan bug‘doy va paxta pulidan qarzdorlik ham yig‘ilgan.
Bundan tashqari, bu yilgi paxtaning narxi ham katta mojaro bo‘lmoqda. Hokimiyatlar joylarda fermerlarni paxtani yil boshida belgilangan narxdan past narxga sotishga zo‘rlamoqda. Paxtaning narxini tushirish bu yil ham hukumat qarori bilan boshlandi.
Bundan tashqari, fermerning zararini qoplash uchun davlat g‘aznasidan ajratilayotgan subsidiya ham klaster cho‘ntagida qolishidan xavotirlar bor.
#ozodlik #uzbekistan #tashkent #yangiliklar #fermer #tadbirkor #klaster #mirziyoyev #shavkatmirziyoyev #qarz
