البارح مانمت نومي شلافيح
سامرت نجم الجدي لين الصباحي

يومنها نامت عيون المشافيح
هجس القصايد طارقه ماستراحي

خيل مثل وبل المزون المراويح
بين الضلوع الحدب والبرق لاحي

وغنيت ماغنوا هل الفطر الفيح
اللي مساريها بعيد المشاحي

قافن افرح به هل الطيب تفريح
وتضيق منه اهل الوجيه القباحي

اقف وانا محمد وراس المرابيح
رضاء بني عمي يحقق نجاحي

بني رشيد مبعدين المصابيح
عبس الفخر في سر ولا بياحي

ياتاج راسي يالوجيه المفاليح
كرمتم اللي للقبيله اسلاحي

عبدالله القنور ملفى الزحازيح
كريم كاسيه الكرم بالوشاحي

راع الجنيفه مرجح الكيل ترجيح
لعيون ربعه عبس كافح كفاحي

طيب مع الطيب دروبه تساميح
وإلا على العدوان سم" ذحاحي

ارشحه لمارة الطيب ترشيح
كفو" لبو ناصر بكل النواحي

وقول لي قول" وصرحه تصريح
المدح في شرواه دايم مباحي



الشاعر
محمد بن محيميد الرويضي

свернуть