І.Жансүгіров атындағы Жетісу университетінде тағы бір ғылыми технологиялық орталық ашылды. Ол ED смарт деп аталатын бейне жазба жазуға арналған студия. Аталған орталық оқытушылар мен студенттердің шығармашылық қабілеттерін және мультимедиялық контент жасау дағдыларын дамытуға ықпал етеді. Сонымен қатар халықаралық платформалар үшін бейне контентті жасау, LED тақтасында ZOOM, Google Meet, WebEx сынды бағдарламалармен онлайн оқытуды тарата алады. Сондай-ақ, студияда студенттер анимация, графика жұмыстарын меңгере алады. Білім алушылар тестілеуден өтіп, викториналарға қатысып, тапсырмаларды орындай алады.
