რადიო თავისუფლების პოდკასტი “წიგნები” რუბრიკით “ნორვეგიული წიგნის კლუბი” გთავაზობთ საუბარს უდიდეს იტალიელ ლირიკოს პოეტზე, იტალიური და მსოფლიო რომანტიზმის ვარსკვლავზე, მსოფლიო სევდისა და პირქუში პოეზიის გიგანტზე, ჯაკომო ლეოპარდიზე. თვალშისაცემია რომანისტებისა და ეპიკოსი პოეტების დომინაცია წიგნის კლუბის ნუსხაში, სადაც დრამატურგებსა და ლირიკოს პოეტებს მოკრძალებული ადგილი უჭირავთ. ლეოპარდი აქ, ფაქტობრივად, თავისი თავის გარდა ბაირონს, კიტსს, უორდსუორთს, ლამარტინს, შატობრიანს, გერმანელ რომანტიკოსებს, პუშკინს, პეტეფისა და ბარათაშვილსაც წარმოადგენს…
