Վարչապետ Նիկոլ Փաշինյանը անդրադարձավ «Իմ քայլը» խմբակցության պատգամավոր Տաթևիկ Հայրապետյանի հարցին՝ կապված Իրանի հետ հարաբերությունների զարգացման հետագա ծրագրերին, նշեց, որ Իրանի հետ կապված հարցը կարելի է բաժանել 3 մասի՝ քաղաքական հարբերություններ, երկկողմ տնտեսական հարաբերություններ և եվրասիական տնտեսական միության և Իրանի հարաբերություններ:
«Ինչպես գիտենք եվրասիական տնտեսական միությունը և Իրանը ազատ առևտրի վերաբերյալ համաձայնագիր են ստորագրել, սակայն այդ համաձայնագիրը վավերականացման ընթացակարգում է և գործընթացը ցույց է տալիս, որ այդ մեխանիզմի գործարկումը իրական փոփոխություններ կբերի հայ-իրանական տնտեսական հարաբերություններում: Մենք շատ ակտիվ համագործակցում ենք էներգետիկ ոլորտում և մտադիր ենք համագործակցությունը խորացնել:
Վարչապետը ավելացրեց, որ Իրանի հետ քաղաքական հարաբերությունները բարձր մակարդակի վրա են, որը ապացուցում է փետրվարին 27-ին նախատեսված իր պաշտոնական այցը Իրանի Իսլամական Հանրապետության մայրաքաղաք: Նա ավելացրեց, որ այդ հարաբերությունների նպատակը չի լինելու որևէ երրորդ կողմին վնասելը, Հայաստանը չի կարող լինել որևէ մեկին վնասելու գործի մասնակից։
