Жүргізуші куәлігінен уақытша мерзімге айрыла тұра, көлік рөліне қайта отырып, ұсталғандар бұл жолы қатаң жазаланды. Жолда жүру ережесіне қатысты 11-қаңтарда күшіне енген заңнамадағы өзгеріске сай аталған қылмыстық құқық бұзушылық үшін кінәлінің бес жылға дейінгі мерзімге бас бостандығын шектеу немесе көлік жүргізу құқынан өмір бойына айыра отырып, 5 жылға дейінгі мерзімге бас бостандығынан айыру жазасы көзделген. Заң күшіне енгелі біздің облыста 7 адам ұсталды. Барлығы да уақытша ұстау изоляторына қамалған. Өткен жексенбіде "Самара-Шымкент " тас жолының 836-шақырымында патрульдік полиция ротасының қызметкерлері "Тойота Аурис" маркалы автокөлікті тоқтатқан. Хромтау ауданының тұрғыны көлік айдау құқығы болмаса рөлге отырған. Ол мас күйде көлік басқарғаны үшін жүргізуші куәлігінен былтыр шілде айында 3 жылға айрылған болып шықты. Бұл дерек бойынша кінәлі Хромтау ауданындағы полиция бөлімінің уақытша ұстау изоляторына қамалды. Осыған ұқсас оқиға сол күні қалаға қарасты Сазды аулында анықталды. Көлік айдау құқығынан айырыла тұра рөлге отырғандар бұдан былай қатаң жазаланады. Жүргізуші куәлігінен өмір бойына айырылып, 5 жылға дейінгі мерзімге түрмеге қамалады. Жолда жүру ережесіне енгізілген бұл өзгеріс елде 11-қаңтардан бері жүзеге асып жатыр. Облыста содан бері 7 адам ұсталып, қамалған.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
