قصيدة الذهب للشاعر سالم سيار

,, [ Ссылка ]

..

شف القصيده ياحمد وأقدع معاني مسطره

ولاتنسى للي صبها تسأل على حماسها

يبقى القلم سحر المسى والروح صوت المحبره

تصرخ جروحي بالورق يفطن لها عساسها

نامت مدينه وخاطري أتلجلج بقلبه مره

طشت جنوني وأربطت عاقل وسط كراسها

هي حلمها سيف الشعر ملعون أبوجد أظهره

تبي تفزز شاعره حتى يقصه براسها

ومن يوم رفرف فجرها طاحت عيون المغفره

صلتني حروفي وأنا صليت تحت أنعاسها

بنت الردى لو هي ذهب ذهب يعجبك منظره

والله لابد أتعثر تسمع رنين انحاسها

الليل بنت ٍ بالخفى قرأن ربي تسهره

والليل بنت ٍ بالخفى كف الوضوء ماجاسها

الاولى تحشم ناسها لو الدهر زاد أجمره

والثانيه خلها تحشم ربي وشوارب ناسها

تبنى المراجل ياحمد لو قلت هذا مكبره

داخل عيونه ياحمد بنت ٍ قوي باسها

وهدم المراجل ياحمد لوقلت هذا مصغره

داخل عيونه ياحمد بنت ٍ وهدت ساسها

بنت ٍ ولو هو عسرك وقتك دعا بتيسره

وبنت ٍ ولو هو يسرك وقتك دعت خناسها

اذا طعنتك للصواب أخوك وأحضن خنجره

لاتلعن الدنيا وهي حدر ٍ تعبس أنفاسها

الأرض تشربنا جسد والحلم برى المقبره

الأرض جينا بلبسها وباكر نرد ألباسها

أركض على عين الشرف أن كان ودك في مره

وسترك تشوفه أنبني عمره على أحساسها

свернуть