Telegram: @islomiy_serial_uz
YUNUS EMRO
(1240 — 1320)
Serial XIII asrda Anatoliyada yashagan Turk shoiri Yunus Emre hayoti haqida hikoya qiladi. Bu adolatsizlik hukmronlik qilgan katta siyosiy g’alayonlar bilan azob-uqubat davri edi. U o’z fikrlarini ochiq oydin gapirgani uchun o’sha davrda qattiq taqiqga uchraydi. Va qandaydir tarzda bizning qahramonimiz taniqli so’fiy Shayx Tadbuk Emre bilan uchrashadi, undan keyin Yunus Emrening butun hayoti o’zgaradi. U barcha mol-u-mulkini, bor-budini tashlab Shaxyning yoniga ketadi. U oddiy sarson-sargardon bo’lib, odamlar bilan bevosita muloqot qilib, ularga o’z fikrlarini bildiradi. Yunus Emre Islom so’fiylikning izdoshi bo’lib, tarixda muhim rol o’ynagan, u turk she’riyatining asoschisi hisoblanadi. Buyuk shoirning hayoti afsonalar bilan qoplangan.
Uning hayoti haqida ma’lumotlar juda kam bo’lsa-da, she’rlari butun turk diyorlarida juda mashhur, oradan o’tgan salkam yettiyuz yil mobaynida sharq xalqlarining eng suyukli shoirlaridan biriga aylandi.
Ba’zi manbalardan va she’rlaridan uning 1240 yildan tug’ilgani, 80 yil umr ko’rgani, Eskishehir-Sariko’yda (hozirgi Yunus Emro) vafot etgani va shu yerda dafn etilgani ma’lum.
Yunus Emro madrasa ta’limini olgan, arab va fors tillarini yaxshi bilgan, Qur’on va hadis ilmlarini chuqur o’rgangan, o’z davrining yetuk mutasavvuf olimi bo’lgan zot bo’lib, o’z falsafiy dunyoqarashi bilan o’sha davrning yirik, XIII asrda Xurosondan Anadoluga kelgan. U Hoji Bektosh Valiy va Taptuk Bobo (Taptuk Emro) kabi ustozlardan ta’lim olgan.
U o’z she’rlarida Alloh va Rasuliga (s.a.v) sevgi haqida kuyladi. «Sevaman, sevilaman» deb yozgan shoir insonlarni, yaratiliqlarni sevish orqali Yaratgan sevgisiga erishish haqida yozdi.
Yunus Emro she'ridan namuna
SEVAMAN, SEVILAMAN
Haq jahonga to‘ladir,
Kim o‘zi haqni bilmas,
Uni sen o‘zingdan so‘r,
U sendan ayri bo‘lmas.
Dunyoga ishongaysan,
Rizqni meniki deysan,
Nega yolg‘on so‘zlaysan,
Hech aytganing bo‘lmas.
Oxirat yo‘li yiroq,
To‘g‘rilik qayda yaroq,
Ayriliq ketgan firoq,
Ketgan hech qaytib kelmas.
Dunyoga kelgan ketar,
Bir-bir sharbatni ichar,
Bu bir ko‘prikdir, o‘tar,
Johillar buni bilmas.
Kelinglar, do‘st bo‘laylik,
Ishni oson qilaylik,
Sevaylik, sevilaylik
Dunyo hech kimga qolmas.
Yunus so‘zin tinglagin,
O‘z ma’nosin anglagin,
Amal qil Haqqa doim,
Bunda hech kimsa qolmas.
Telegram: @islomiy_serial_uz
#Yunus_Emro#Toptiq_Emro#Ishq_safari
