#oranews #pjerinxhuvani #elbasan

Dështon sërish seanca paraprake për Arbër Paplekajn dhe 8 policët e Elbasanit për ngjarjen që përgjaku fushatën zgjedhore të vitit 2021 në Elbasan. Shkak këtë herë u bë kërkesa e avokatëve që kërkuan më shumë kohë për tu njohur me dosjen hetimore.

Shtyhet sërish seanca për Arbër Paplekajn dhe 8 efektivët e Policisë së Elbasanit të akuzuar në lidhje me përplasjen me armë 4 ditë para zgjedhjeve të 25 Prillit 2021, ku mbeti i vrarë simpatizanti i PS, Pjerin Xhuvani.

Veprimet proceduriale u bënë shkak i dështimit për herë të pestë të seancës ku togat e zeza do të vendosnin nësë do të kalojnë për gjykim cështjen apo do të kthejnë për rihetim dosjen e prokurorit Ridvan Sukaj.

Avokatët kërkuan më shumë kohë për tu njohur me dosjen, pasi siç theksuan kanë qenë në grevë kombëtare kundër hartës së re gjyqësore.

Arbër Paplekaj, akuzohet nga prokuroria për vrasjen e mbështetësit të PS, Pjerin Xhuvani, gjatë një përplasje me motive politike.

Ish efektivi i Forcës RENEA, ishte pjesë e strukturës së Partisë Demokratike për mbrojtjen e votës të cilët ndaluan fillimisht Mehmet Grecën në Lagjen "5 Maji" me dyshimin se po blente vota për llogari të Partisë Socialiste.

Debatet përshkallëzuan me plumba të cilët i morën jetën mjekut Xhuvani dhe lanë 4 të plagosur, mes të cilëve edhe efektiven e Policisë Xhensila Sota.

Ish nën drejtorët e policisë vendore, Nikollaq Palla dhe Albert Nushi po hetohen me masën arrest shtëpie, ndërsa 6 efektivë të forcës Shqiponja u pezulluan nga detyra, pasi akuzohen se nuk vepruan sipas ligjit për të parandaluar konfliktin që përfundoi në vrasje.

Seanca e radhës për fatin e hetimit të ngjarjes që përgjaku fushatën për zgjedhjet e përgjithshme të vitit 2021 do mbahet më 23 Shtator.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть