#magtymguly #turkmenwagyz #turkmengoshgy

Gökden inmez, yaranlar

Köňül perwaz eýläp, galdy ýerinden,
Howalanmyş, gökden inmez, ýaranlar,
Bir hyýala düşmüş, çykmaz serinden,
Bu hyýaldan gaýdyp dönmez, ýaranlar.

Noş edipdir muhabbetiň gandyndan,
Glak tutmaz zahytlaryň pendinden,
Tudy mekanyndan, çykdy bendinden,
Dolanyp ornunda gonmaz, ýaranlar.

Yşk işini akyl eden, huş eden,
Aýylarmy yşka düşüp, joş eden,
Ýar elinden ary bada noş eden,
Agzyn goýsa içer, ganmaz, ýaranlar.

Bir hat bardyr ol Patmanyň saçynda,
Okudarlar magşar halkyn seçende,
Bir ot bardyr aşyklaryň içinde,
Bu otlar dek, belli, ýanmaz, ýaranlar.

Magtymguly, yşk özünden bat eýlär,
Yşk işidir, aşnalary ýat eşlär,
Ýalynsyz ýandyrar, ýelsiz ot eýlär,
Bir zybana çekse, sönmez, ýaranlar.

свернуть