Sual: Müsəlmanın hər küfrə və ya bidətə düşəni təkfir və tabdi etmək haqqı varmı?

Şeyx Saleh Əl- Fovzan: Bidətin, küfrün və riddənin (dindən çıxmağın) hüdudlarını bilən alimlərdən başqa heç kimə icazəli deyil ki, insanlara teztələsik hökm versin; təkfir və tabdi etsin. Bunların səbəblərini alimlər bilirlər. Onlar bu işin mütəxəssisidirlər.

Təkfirin, tabdinin və təfsiqin şərtlərini (qaydalarını) bilməyən birinə icazəli deyil ki, kiminsə bidətə, küfrə və ya şirkə düşməsinə hökm versin.

İnsan dilini qorumalıdır, çünki ola bilsin ki, kafir, bidətçi, azmış və ya fasiq deyib ittiham etdiyin şəxs bunlardan uzaq olsun.

Peyğəmbər ﷺ buyurub:

"Kim bir qardaşına "Ey kafir!” deyərsə və bu, belə olmazsa, bu söz onun özünə qayıdar."

Onun bu sözü onun özünə qayıdar. Bu əməldən Allah sığınıram.

Elə isə insana vacibdir ki, dilini qorusun və dilini bu məsələlərdə boş buraxmasın. Bu təhlükəlidir!

Vacibdir ki, insan təkfirin, tabdinin və təfsiqin şərtlərini öyrənib bilsin və elmsiz, hisslə, coşquyla və şövqlə danışmasın. Çünki insan xəta edə bilər və onun bu sözü onun özünə qayıdar. Bu məsələ həddindən çox təhlükəlidir. 

İnsanları təkfir, tabdi və təfsiq etdikdə dediyin bu sözlər boşa getmir. Əgər onlar bu sözü haqq edərlərsə, bu söz onlara yapışıb qalar. Yox, əgər onlar bunu haqq etməzlərsə, o zaman bu söz sənin özünə qayıdar.

Sənə bu məsələlərdə dilini qorumaq vacibdir!

2018 © MANHAC.COM | Materiallardan istifadə etdikdə istinad vacibdir

свернуть