هەولێر؛ یەكەم دانیشتنی دادگایكردنی دكتۆرە شایان بەڕێوەچوو
هەولێر؛ زیاتر لە 50 پارێزەر دەبنە پارێزەری خۆبەخشی دكتۆرە شایان عەسكەری

یەكەم دانیشتنی دادگایكردنی شایان عەسكەری، ئەو پزیشكەی بۆ بەرگریكردن لە مافی هاوڵاتیان بەشداری خۆپیشاندانەكانی مانگی 3 لە هەولێر كرد بەڕێوەچوو، دادگایكردنی دكتۆرە شایان لەسەر سكاڵای ئەو دوو كادیرەی پارتییە كە لە دوو گرتەی ڤیدیۆییدا دەردەكەون ‌و پەلاماری دكتۆرە شایان دەدەن ‌و داوای 200 ملیۆن دینار قەرەبوو دەكەن.

ئەم دوو كەسەی بەمشێوەیە پەلاماری دكتۆرە شایان عەسكەری، پزیشكی شێرپەنجە لە نەخۆشخانەی نانەكەلی دەدەن، داوای 200 ملیۆن دینار قەرەبوو دەكەن.

لەم دادگایەدا، یەكەم دانیشتنی دادگایكردنی بەڕێوەچوو.

25ی ئازاری رابردوو لەكاتی خۆپیشاندانەكانی هەولێردا دكتۆرە شایان بە مۆبایلەكەی دیمەنی خۆپیشاندانەكە ‌و قسەكردنی لەگەڵ دوو ئەندامی پارتی تۆماردەكرد پەلامار درا، گرتە ڤیدیۆییەكەی بەشێوەیەكی خێرا لەمیدیاكان ‌و تۆڕە كۆمەڵایەتیەكاندا بڵاوبۆوە. ئەو دوو كەسەی لە گرتە ڤیدیۆكەدا دەردەكەون، بە پاساوی ئەوەی ناویان زڕاوە داوای 200 ملیۆن دینار قەرەبوو دەكەن.

بەهەمان شێوەی پەلاماردانەكەی، دادگایكردنەكەشی كاردانەوەی بەدوای خۆیدا هێناوە، سەرەڕای ناڕەزایی بەرفراوانی چالاكانی مەدەنی، زیاتر لە 50 پارێزەریش هاتونەتە سەر خەت ‌و دەیانەوێت بەشێوەیەكی خۆبەخشانە ببنە پارێزەری دكتۆرە شایان.

مانگی ئازاری رابردو، مامۆستایان ‌و فەرمانبەرانی هەولێر، بۆ داواكردنی مافەكانی خۆیان رژانە سەر شەقام، لەجیاتی وەڵامدانەوەی داواكارییەكانیان دەسەڵاتداران بەڵتەچیەكانی خۆیان بەردایە گیانی خۆپیشاندەران ‌و بەبڵاوەپێكردنی هێزی ئەمنی كۆتاییان بە خۆپیشاندانەكان هێنا.

→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel

свернуть