Umukinnyi w’umunya - Mali, Oumar Sidibe, uje muri Rayon Sports yageze mu Rwanda mu rukerera rwo kuri iki Cyumweru tariki 28 Nyakanga 2019.
Oumar Sidibe, ukina mu kibuga hagati ariko asatira izamu yageze ku kibuga mpuzamahanga cya Kigali i Kanombe ahagana ku isaha ya saa saba z’urukerera . Yakiriwe n’umuvugizi wa Rayon Sports, Jean Paul Nkurunziza.
Sidibe yakiniye Al Hilal yo muri Sudani izanakina na Rayon Sports muri CAF Champions League, AS Vita Club yo muri DR Congo, AS Real Bamako na Stade Malien zo muri Mali, Hatayspor yo muri Turikiya, ubu akaba yaratandukanye na AC Djoliba y’iwabo muri Mali.
