Հանրային վայրերում ծխելու արգելքի հետ կապված քայլերը նշանակալի բացասական ազդեցություն տնտեսության վրա չեն թողնում։ Այս մասին «Ազատության»-ը տված հարցազրույցում ասաց Արևելյան Եվրոպայում և ԱՊՀ երկրներում Campaign for Tobacco Free Kids հասարակական կազմակերպության ծրագրերի տնօրեն Ջոշուա Աբրամսը։

«Ազատություն». - Ծխող տղամարդկանց թիվը Հայաստանում բավականին մեծ է, իսկ ծխող կանանց թիվն այնքան էլ հստակ չէ, քանի որ շատերը թաքցնում են ծխելու փաստը: Ինչպե՞ս կարող է Հայաստանը պայքարել այս իրավիճակի դեմ՝ հաշվի առնելով այն հանգամանքը, որ ծխախոտը շատ էժան է։

Ջոշուա Աբրամս. - Լավագույն բանը, որ պետք է արվի, ու միջազգային փորձը դա է ցույց տալիս, այն է, որ կան մի շարք միջոցառումներ, որ Հայաստանը կարող է ձեռնարկել, և դրանք կարող են նշանակալի ազդեցություն ունենալ ծխողների թվի նվազման վրա՝ ինչպես տղամարդկանց ու կանանց, այդպես էլ մեծահասակների և երիտասարդների շրջանում։ Հայաստանի խորհրդարանում շրջանառվում է մի օրինագիծ, ու եթե այն ընդունվի, մեծապես կնպաստի հանրային առողջությանը։ Այն միջոցառումումը, որի մասին մենք խոսում ենք, առաջին հերթին 100 տոկոսով առանց ծխախոտի հանրային վայրերի ապահովումն է, ինչը բոլորին կպաշտպանի ծխախոտի ծխից:

Բոլորին է հայտնի, որ երկրորդական ծուխը նույնքան մահաբեր է, որքան առաջնայինը։ Այնպես որ ներսում ծխելը արգելելու միջոցով կարելի է հնարավորինս շատ մարդկանց պաշտպանել: Մյուսը ծխախոտի գովազդի, ծխախոտի օգտագործման խթանման և հովանավորության համափարփակ արգելքն է, որովհետև ծխախոտ արտադրողները նախընտրում են իրենց ապրանքը թիրախավորել հատկապես երիտասարդների, նաև կանանց համար, որպեսզի ավելացնելով ծխողների թիվը՝ կարողանան ավելի մեծ շահույթ ստանալ։ Պետք է զերծ պահել նրանց՝ երիտասարդներին վաճառքի հնարավորությունից։ Կա նաև հարկման և գնային քաղաքականությունը։ Դա շատ հասարակ գործիք է։ Որքան բարձր է ծխախոտի գինը, այդքան ավելի ցածր կլինի պահանջարկը։ Շատ արդյունավետ են նաև զգուշացումները։ Օրինակ, հասարակ փաթեթավորումը, որ չկարողանաս ծխախոտի տուփը օգտագործել որպես գովազդ, ու որ վրան լինեն շատ ազդեցիկ զգուշացումներ՝ կապված առողջության հետ, որ կբացատրեն ծխախոտ գնող մարդկանց, թե ինչ ազդեցություն կունենա այն առողջության վրա։ Փորձը ցույց է տալիս, որ միասին այս բոլոր միջոցառումներն իսկապես նվազեցնում են ծխախոտի օգտագործումը։ Դա ստեղծում է մի մթնոլորտ, որտեղ մարդիկ բնական կերպով նախընտրում են առողջ ապրելակերպը։



Մեր ուղիղ հեռարձակումները դիտեք այստեղ՝ [ Ссылка ]

«Ազատությունը» սոցիալական մեդիայում
Facebook - [ Ссылка ]
Twitter - [ Ссылка ]
Instagram - [ Ссылка ]
VKontakte - [ Ссылка ]
Odnoklassniki - [ Ссылка ]

свернуть