Astara sakinini elektrik cərəyanı vuraraq öldürüb. Hadisə rayonun Şahağacı kəndində baş verib. Belə ki, kənd sakini 43 yaşlı Sehran Allahverdi oğlu Əliyevi ehtiyatsızlıqdan cərəyan vurub. Onun meyiti Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Lənkəran şəhər şöbəsinə yerləşdirilib. Ailəli olan mərhumun 3 övladı var. Faktla bağlı araşdırmalara başlanılıb.
