Япон дахь Монголчууд нийтлэлийн долоо дахь дугаарыг уншигч танд өргөн барьж байна. Цувралынхаа энэ удаагийн дугаарыг би зөвхөн видео хувилбараар гаргах туршилт хийж, Токио хотын Асакүсабашёд байрлах "Күсүноки" ХХК-д зочилсон юм. Япон үүсгэн байгуулагч, захирлуудтай энэ компанид Монгол, Япон, Украин, Конго, Бразил зэрэг олон орны IT инженерүүд ажилладаг бөгөөд миний хүсэлтийг хүлээн авч, бичлэг хийх нөхцөл боломжоор хангаж өгсөнд ихэд баярлаж, олзуурхсан билээ. Энэ удаагийн цувралд уг компанийн IT инженер М.Энхтөгсийг урьж, түүний нэг өдрийн амьдралтай танилцахаар өглөөнөөс үдшийн бүрийг хүртэл даган явсан юм. Япон улс ковид19-ийн нөхцөл байдлаас шалтгаалан ард иргэд, компаниудыг олон хүнтэй цаг, газруудаас аль болох татгалзахыг уриалж байгаа тул эдний компани ч ажилчдаа зарим өдрүүдэд гэрээс ажиллахыг зөвшөөрчээ. Иймд цувралын зочин маань хүүхдээ цэцэрлэгээс авдаг хоёр өдөртөө гэрээс ажиллах хуваарьт шилжсэн аж. Энэ бүхнийг ч бичлэгтээ тусгахыг хичээв.

Күсүноки нь байгуулагдаад хоёр жил болж байгаа залуу компани ч хэрхэн өргөжин тэлж буйг та бүхэн бичлэгээс үзэж болно. Түүнчлэн хэрэв та миний өмнө бичсэн Япон айлд 10 хоног амьдарсан тэмдэглэл нэртэй нийтлэлийг уншиж өнгөрсөн бол уг нийтлэлийн гол дүр Такүми Асаи сантай ахин нэг уулзах болсныг дуулгахад таатай байна.

свернуть