هو سكر ستيفيا بيجيب عقم وهيموتنا كلنا؟
سنة 1968 ظهرت ادعاءات بانه فيه قبائل هندية عايشة في الباراغواي اسمهم قبائل ال Matto Grosso بيستخدموا شاي ستيفيا كوسيلة لتحديد النسل، في نفس الوقت عمل دكتور جوزيف كروس ومن بعده دكتور ماورو الفاريز ابحاث على الفيران عشان يتأكدوا من صحة الكلام ده، وقالوا ان ابحاثهم لقت ان سكر ستيفيا فعلا بيؤثر الى حد ما على الخصوبة عند فيران التجارب.
لكن لما تمت اعادة تجاربهم وابحاثهم مرة تانية ظهرت نتائج مختلفة، وان سكر ستيفيا مالوش اي تأثير سلبي على الخصوبة، وكمان تم التشكيك في منهجية التجارب بتاعتهم، لدرجة ان بعد فترة طلع دكتور كروس وقال انه تأثر الفيران بتاعته بشكل سلبي حصل بسبب انه اداهم جرعة عالية جدا من ستيفيا. ولحد النهاردة مافيش ولا بحث واحد موثوق فيه بيؤكد ان سكر ستيفيا بيسبب العقم او له تأثير على معدلات الخصوبة
وبس كدة
