Katër herë me burgim të përjetshëm është dënuar 61 vjeçari Sakis Varvaresos i cili në mars të vitit të kaluar ka vrarë një çift shqiptar dhe ka mbytur dy fëmijët e tyre në Andravidha të Peloponezit.
Autori është paraqitur para trupit gjykues që unanimisht e ka dënuar atë pa asnjë masë lehtësuese për veprën e tij të rëndë kriminale ,vrasjen me paramendim të 32-vjeçarit Armando Kloci, bashkëshortes së tij Maria dhe dy fëmijëve të tyre të mitur, 1.5 dhe 2.5 vjeç.
Drejtuesja e Prokurorisë së Shkallës së Parë të Patrës, Konstantoula Athanasopoulou, gjatë fjalës së saj theksoi se “i pandehuri ka vepruar me egërsi të veçantë dhe ka dashur t’i eliminojë si familje” dhe me ton të veçantë është shprehur se “është kriminel!”.
Duke iu referuar skenës së krimit dhe mënyrës së veprimit të tij, ajo vuri në dukje se “ai vrau, qëlloi, mbyti, tërhoqi zvarrë, lau dhe do të kishte vazhduar të pastronte vendin e krimit por ishte i pafat, sepse djali i tjetër i familjes trokiti në derë. Më pas ndërroi rrobat, u largua për në Patra, fshehu armën dhe nuk bashkëpunoi me policinë për gjetjen e saj”.
Gjithashtu, hodhi poshtë të gjitha pretendimet për çrregullim mendor dhe humbje të kujtesës, duke theksuar se i akuzuari nuk ka histori psikiatrike dhe se ka një koherencë të vërtetë në të gjitha veprimet e tij.
Vrasja e katërfishtë tronditi opinionin publik në Greqi. Trupat pa jetë të Armando dhe Maria Klocit janë gjetur në depon e shtëpisë. Djali 2.5 vjeç mbi batanije në dysheme, kurse djali më i vogël u gjet i vdekur nga vëllai i madh i tij 12 vjeç që erdhi më pas në shtëpi me një shokun e tij. Ishte fëmija i parë, nga martesa e mëparshme e 28 vjeçares, i cili mbeti i gjallë nga kjo tragjedi e pabesueshme dhe jeton tashmë me të atin e tij.
Para se të ekzekutonte viktimat, autori kishte prerë energjinë elektrike. Krimi dukej i paramenduar, autori donte të zhdukte gjurmët e familjes së vrarë dhe kishte nisur t’i ngarkonte kufomat në karrocerinë e makinës për t’i transportuar. Por kur pa që e zbuloi djali tjetër, atëherë është larguar,për tu arrestuar disa orë më vonë nga policia. Në fillim nuk ka pranuar krimin, por më pas e ka pohuar me justifikimin se vrasjen e kishte bërë për arsye se familja shqiptare nuk i kishte paguar qiranë e dy muajve të fundit.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopChannelNews
