«ԵՏՄ անդամակցության փաստաթղթի վավերացումը ԱԺ-ի կողմից այս տարվա ամենաանցանկալի իրադարձությունն էր»,- ամփոփելով 2014 թվականի քաղաքական տարին՝ նկատեց «Ժառանգություն» կուսակցության պատգամավոր Զարուհի Փոստանջյանը:
«Ինչպես անցած տարի, այս տարի նույնպես մեր բանտախցերում կան քաղբանտարկյալներ: Մենք չունենք ձեռքբերումներ, միայն անկումներ ու բացթողումներ»,-նշեց նա:
Տիկին Փոստանջյանը առանձնապես սպասելիքներ չունի 2015 թվականից, նրա կարծիքով մյուս տարի սպասվում է խորը ճգնաժամ քաղաքական դաշտում. «Ես չեմ շտապում կանխատեսումներ անել Եռյակի գործողությունների մասին, բայց տարին լինելու է ճգնաժամային, և մենք պետք է պատրաստ լինենք ճգնաժամի հետևանքներին դիմակայելու»:
