ايه حكاية تطبيقات التداول الكتير اللي بقيت موجودة ... ايه منها اللي حقيقي وايه اللي نصب ... وايه الفرق بينها وبين البورصة العادية .... وازاي ادخل فيها .... وايه هي المخاطر المرتبطة بالموضوع دة ... وأسئلة تانية كتير هنحاول نعرف اجابتها في الفيديو دة
خلونا نرجع للأصل ونشوف يعني ايه تداول أصلا .... التداول لغة معناه التبادل .... واصطلاحاً معناه "مبادلة أصل بآخر" .... يعني اديتك فلوس واخدت عربية ... دى عملية تداول ... اديتك دهب وأخدت منك بيت أو حتة أرض .... دى بردو عملية تداول .... يعني انت سواء عرفت أو لم تعرف ... بتعمل عمليات تداول كل يوم ... وانت ماشي في الشارع كدة ... بس بنسميها تجارة .... حتى بالانجليزي تلاقي ان الاتنين معناهم كلمة واحدة .... تريدينج .... ولكن في الوقت الحالي كلمة تداول دى بقيت بتستخدم في حاجة معينة ... وهي أسواق المال .... طبعا احنا بنسمع الكلمة دى دايما بس فيه ناس كتير ميعرفوش ايه المقصود بالظبط من "أسواق المال" ..... شوف يا مدير .... مفهوم أسواق المال عامل بالظبط زي مفهوم التداول .... هو حاجة قديمة وبسيطة ويشبه أي سوق عادي بيتم فيه تبادل أي سلع ... ولكن بردو ... في الوقت الحالي أصبح بيطلق على البورصات العالمية والمحلية اللي بيتم فيها تبادل الأوراق المالية
#التداول
#البورصة
#الفوركس
