گۆڕان سیاسەتێكی هاوسەنگ و سەربەخۆی لەپرسە نەتەوەییەكاندا پەیڕەوكردووە
گۆڕان داوای بەدامەزراوەیكردنی پەیوەندییەكانی هەرێم و بەغدادی كردووە
گۆڕان داوای بەدامەزراوەیكردنی پەیوەندییەكان لەگەڵ دەرەوەدا كردووە
بزوتنەوەی گۆڕان، وەك هێزێكی نیشتیمانی لەساتی دروستبونیەوە تا ئێستا باوەڕو بنەمای جێگیرو نەگۆڕی هەبوە بۆ پرسە نەتەوەیی و نیشتیمانیەكان و سیاسەتێكی هاوسەنگ و سەنگینی پەیڕەكردوەو خۆی بەسەر هیچ بەرەو لایەنێكی ئیقلیمیدا ساغ نەكردۆتەوە، لەئاستی عێراقیشدا گۆڕان بەوە ناسراوە هێزێك بووە سازشی لەسەر مافەكانی كورد نەكردوەو دژی بەرژەوەندی حیزبی و تاكەكەسی و بنەماڵەیی بوە لەبەرامبەر مافەكانی كورددا.
هەر لەگەڵ دروستبونی بزوتنەوەی گۆڕان وەك هێزێكی سیاسی لە تەموزی ساڵی 2009و بەشداریكردنی لە هەڵبژاردنە پەرلەمانیەكەی ئەو ساڵەو بردنەوەی 25 كورسی پەرلەمانی، ئیدی ئەم هێزە وەك یاریكەرێكی سیاسی گەورەو وەك هێزێكی نوێی ئۆپۆزسیۆن لە گۆڕەپانی سیاسی هەرێمی كوردستان و تاوەكو ئێستا بە كاریگەری ماوەتەوە.
هەر لەسەرەتای دروستبونیشیەوەی گۆڕان وەك هێزێكی رەسەنی نیشتیمانی چەندین دروشمی نیشتیمانی بەرز كردەوە، كە تەعبیری لە تێڕوانینی دورمەودای ئەم بزوتنەوەیە دەكردەوە بۆ پرسە نەتەوەیی و نیشتیمانیەكان، جا چ لە بەغدا بێت یاخود لەئاستی هەرێمایەتی یاخود لە ئاستی نێودەوڵەتیداو كاری بۆ ئەوەكردوە هاوسەنگی لە بڕیارە نەتەوەییەكاندا هەبێت و سەنگ و قورسایی هەرێم بپارێزرێت.
ئەم بزوتنەوەیە لە ئاستە نیشتیمانیەكەیدا شانازی ئەوەی پێدەبڕێت بەردەوام بەرگریكاری سەرسەختی مافەكانی كورد بووە لە وڵاتانی دراوسێ و خۆی نەخستۆتە هیچ بەرەیەكی وڵاتی ئیقلیمیەوەو بەردەوام باجی هەڵوێستەكانیشی داوە، لە ئاستی پەیوەندییەكانی حكومەتی ناوەندیشدا گۆڕان داوای كردوە دەزگایەكی نیشتیمانی هەبێت بۆ دانوستانەكان و بەرژەوەندیی نەتەوە پێش بەرژەوەندی حزب و بنەماڵەو خێڵ بكەوێت.
بەشێك لە ئامانجە نیشتیمانی و نەتەوەییەكان گۆڕان بۆ هەڵبژاردنی پەرلەمان 2018
- بەدامەزراوەیكردنی پەیوەندییەكانی هەرێم و بەغدا و دانانی پەرلەمانی كوردستان بە مەرجەعی شەرعی بڕیاردان.
- هەرێم پێویستی بە دامەزراوەی مەدەنی و رۆشنبیری و زمانی فەرمی و دامەزراوەی نیشتیمانی و داهاتی نیشتیمانی و ئاسایش و سوپاو ئیدارەی نیشتیمانی هەیە.
- بەدامەزراوەیكردنی پەیوەندییەكان و یەكخستنی گوتاری فەرمی هەرێم لەگەڵ دەرەوەدا.
- پێناسەكردن و دەستنیشانكردنی ئاسایشی نیشتیمانی و بەرژەوەندییە باڵاكانی گەلی كوردستان بەشێوەیەكی شەفاف لە پەرلەمان و دەزگا فەرمیەكاندا.
- بەرپەرچدانەوەی هەموو ئەو بڕیارو دیاردەو ئاكارانەی گیانی نیشتیمانپەروەری لاواز دەكەن وەك تاكڕەوی لە دەسەڵات و زەقكردنەوەی ناوچەگەرێتی و خێڵگەری و گەندەڵی و بێدادی لە دابەشكردنی سامانی نیشتیمانی.
- بەپیشەییكردن و بەیاساییكردنی ئەركی دانوستان و چاودێریكردنی ئەدای نوێنەرانی كورد لەحكومەتی مەركەزی لە رێگای دەستەیەكی نیشتیمانیەوە، كە لە پەرلەمان هەڵبژێردرێت.
- پێداگریكردن لەسەر چارەسەركردنی كێشەی ناوچە دابڕاوەكان بەپێی ستراتیژییەی نیشتیمانی و پشتبەستن بە دەستور و بەڵگەنامە و راستیە مێژوویی و جوگرافییەكان، بەتایبەت پرسی كەركوك و چارەسەركردنی بەگوێرەی مادەی 140ی دەستور.
- بەگژداچونەوەی هەر رەفتار و ئاكار و هزرێكی توندڕەو تیرۆریستی لە ژێر هەر ناو و هەر پاساوێكدا.
→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
