ڈاکٹر علامہ اقبال رح
یارب دلِ مسلم کو وہ زندہ تمنا دے
جو قلب کو گرما دے، جو روح کو تڑپا دے
پھر وادیِ فاراں کے ہر ذرے کو چمکا دے
پھر شوقِ تماشا دے، پھر ذوقِ تقاضا دے
محرومِ تماشا کو پھر دیدہَ بینا دے
دیکھا ہے جو کچھ میں نے اوروں کو بھی دکھلا دے
بھٹکے ہوئے آہو کو پھر سوئے حرم لے چل
اس شہر کے خوگر کو، پھر وسعتِ صحرا دے
پیدا دلِ ویراں میں پھر شورشِ محشر کر
اس محملِ خالی کو، پھر شاہدِ لیلیٰ دے
اس دور کی ظلمت میں ہر قلبِ پریشاں کو
وہ داغِ محبت دے جو چاند کو شرما دے
رفعت میں مقاصد کو ہمدوشِ ثریا کر
خودداریِ ساحل دے، آزادیِ دریا دے
بے لوث محبت ہو، بیباک صداقت ہو
سینوں میں اجالا کر، دل صورت مینا دے
احساس عنایت کر آثارِ مصیبت کا
امروز کی شورش میں اندیشہَ فردا دے
میں بلبل نالاں ہوں اک اجڑے گلستاں کا
تاثیر کا سائل ہوں ، محتاج کو داتا دے
~~~~~~~~~~~~~~~~~~~~~~~~~~~~~
جینے کی تمنا میں مرنے کا سلیقہ دے
امت پہ محمد ﷺ کی احسان یہ فرما دے
ہر نقشِ محبت کے عنوان کو چمکا دے
دیکھا ہے جو کچھ میں نے اوروں کو بھی دکھلا دے
پھر کشتیِ امت کو اک بار سہارا دے
معراجِ ترقی پر اسلام کو پہنچا دے
وامندہ مسافر کی ہمت کو دلاسہ دے
جو قلب کو گرما دے جو روح کو تڑپا دے
ہر حال میں مسلم کے شامل تیری رحمت ہو
ہر لمحہ تصور میں اخلاص کی صورت ہو
اذکار سے رغبت ہو، افکار سے فرصت ہو
سینوں میں اجالا کر، دل صورت مینا دے
میں نے تو تیری شب میں سورج بھی کئے روشن
تو بھی کبھی میری راتوں کو ستارہ دے
پانی کی جگہ اپنا خوں اس کی جڑوں کو دیں
یہ پیڑ اگر ہم کو تھوڑا سا بھی سایہ دے
ڈاکٹر شکیب نیازی صاحب
~~~~~~~~~~~~~~~~~~~~~~~~~~~~~
#allamaiqbal #allama #allamaiqbalpoetry #kalameiqbal #yarabb #yarabdilemuslim #shayri #poetry #doa #islamic #islam #shayremashriq #ujjain #ishq #love #ghazal #ghazals
#allamaiqbal #allamaiqbalpoetry
#allamaiqbalshayari
#allamaiqbalnaat
#allamaiqbalshikwa
#allamaiqbalkesher
#allamaiqbalghazal
#allamaiqbalkinaat
#allamaiqbalpoetrystatus
#allamaiqbalkasher
