Leku është forcuar sërish ndaj Euros. Monedha e përbashkët europiane e nisi javën duke u këmbyer poshtë nivelit prej 111 lekësh ndaj monedhës kombëtare. Sipas kursit zyrtar të këmbimit të Bankës së Shqipërisë, euro u këmbye sot me 110.94 lekë, nivel tjetër rekord pak më i ulët se ai i mëparshmi prej 110.98 lekësh, që ishte shënuar në datën 26 prill.
Situata në tregu vazhdon të karakterizohet nga prurje të mëdha të euros. Këto prurje kanë tendencën të shtohen veçanërisht pas fundjavave, periudhë që përkon me një numër të konsiderueshme vizitorësh sidomos nga Kosova dhe vendet fqinje.
Në ditët e para të majit, euro shënoi një rritje të lehtë, duke arritur deri në nivelin e 113.32 lekëve. Banka e Shqipërisë thotë se zhvlerësimi i euros nuk lidhet me asnjë lëvizje spekulative në tregun financiar, por është pasojë e forcimit strukturor të ekonomisë shqiptare.
Sipas bankës, forcimi i lekut ka ulur koston e borxhit si dhe ka mbajtur në nivele të ulta inflacionin në vend. Veç kësaj, leku i fortë po ndihmon edhe një numër të konsiderueshëm të huamarrësve shqiptarë që kanë hua në euro, por që të ardhurat e tyre i sigurojnë kryesisht në lekë.
Por, forcimi i lekut po jep efekte negative në atë segment të ekonomisë që i ka të ardhurat në euro dhe shpenzimet në lekë, ku përfshihen sektorët eksportues të mallrave, shërbimeve apo familjet që përfitojnë remitanca.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Euro#TopChannel
