Халықаралық EXPO-2017 көрмесі басталғаннан бері Оңтүстік Қазақстан облысына 45 мыңнан астам шетелдік турист келген. Бұл өткен жылғыдан 3 есе артық.
«Оңтүстік» туристік орталығының дерегінше, шетелдік меймандар Ұлы Жібек жолының бойындағы көне шаһар Түркістанды, Қожа Ахмет Яссауи мен Арыстан баб кесенесін, Отырар оазисі мен «Алаш» этноауылын көргісі келген. Тарихи орындар әсіресе француз, неміс, қытай және жапондардың зор қызығушылығын тудырыпты. Биыл бірінші рет Австралия мен Анголадан, Жаңа Зеландиядан да қонақтар келіпті.Туристер тасқынының көбеюі өңірдегі кәсіпкерліктің дамуына, қызмет көрсету сапасының жақсаруына елеулі ықпал еткен.
Олжас Шынтаев, «Оңтүстік туристік орталығы» ҚММ директорының міндетін атқарушы:
-Өңіріміз туристік әлеует бойынша, келу саны бойынша 3 есе өсім көрсетіп отыр. Одан басқа 40 пайызға шағын және орта бизнес нысандарының өсуі бар. Өткен жылдың 6 айымен салыстырғанда орналастыру орындарының көбеюі 60 пайызға байқалып отыр.
