Қазақстанда бүгін мемлекеттік қызметші күні. Жеті жыл бұрын белгіленген мереке жаппай тойланбаса да елдегі 100 мыңнан астам мемлекеттік қызметкерді бір желпіндіріп қоятын. Онсыз да Қазақстанда кімнің кімге қызмет ететінін айыру қиын. Мемлекеттік қызметші халыққа ма, халық оларға ма? Себебі әр деңгейдегі шенділердің қарапайым жұртқа әкіреңдеуі, өктем сөйлеуі жиі кездеседі.
