Қазақстанда ет бағасы қымбаттаған сайын сұраныс азайып барады. Жұртшылық өнім құны шарықтағандықтан бас тартуға мәжбүр болып отыр. Базарлар мен сауда орындарында да етке ажиотаж жоқ. Ал саудагерлер мен мал өсіруші шаруалар табыссыз қалудың сәл-ақ алдында тұрмыз деп ашынады. Өйткені жем-шөптің қымбаттығы ет өнімінің құнына әсер етеді. Әріптесім Мақсат Жақсыбайұлы ет бағасын зерттеп көрді. Мақсат, халық көп тұтынатын қой, сиыр, жылқы етінің қымбаттауына тағы не себеп? Сарапшылар не дейді?
Биылғы қуаңшылық ет бағасының шарықтап кетуіне тікелей әсер етті. Жаз басынан бері өнімнің құны орта есеппен тағы 500 теңгеге қымбаттаған. Шаруалар мұны жем-шөп бағасының күрт көтеріліп кетуімен түсіндіреді.
Сабыржан бүгінде 100 бас қой ұстайды. Күніне екі мәрте 10 бау шөп пен 50 келі жем береді екен. Әр шөптің бумасын 1500 теңгеден, ал жемнің келісін 135 теңгеден алдым деген шаруа биыл мал азығы қалтаға қатты ұрып жатқанын айтады. Сондықтан ет сұрап келгендерге келісін 2300 теңгеден сойып береді екен. Бірақ шаруа соңғы кезде сатып алушылар саны да күрт азайып кетті деп отыр.
САБЫРЖАН ИСРАИЛОВ, Шаруа:
– Малды постоянно баға берейін десек, жем-шөп қалтаң көтермейді. Содан еттің бағасы да қымбат боп жатыр. Бидайдың өзі 135 болғаннан кейін нан да қымбат боп жатыр. Халыққа ауыршылық боп жатыр.
Шаруалар енді күн суытып, бір қар түссе, еттің бағасы бұдан да қымбаттайды деген болжам жасап отыр. Өйткені қазір адырда жүріп азықтанатын мал, қара суықта қоректен қиналады дейді.
Базардағы нарық та қымбат. Сондықтан алымсақ жоқ. Жұртшылық қымбатшылыққа байланысты еттен уақытша бас тартқан сыңайлы. Өйткені әшейінде адам аяқ алып жүре алмайтын базардағы ет павильондарында сауда жасап жүрген тұрғындар жоқтың қасы. Бұны жұрт қымбатшылықпен түсіндіреді.
Сауда сөрелерінде қой, сиыр мен жылқы етінің бағасы 2300 теңгеден 3000 теңге аралығында. Сатушылар өнімнің құны күн санап көтеріліп жатқанын айтады.
ФАРИДА АСҚАРОВА, cатушы:
– Біз одан әрі көтерейін десек, халық оны көтермейді. А так бізге күніге 10 теңге, 20 теңге, 50 теңге қосылып кеп жатыр. Уже ешқандай не қалмады бізге деген, уже базардан скоро кетеміз уже.
Алда соғымның маусымы басталатынын ескерсек, еттің құны тағы көтерілуі бек мүмкін. Биыл қыста бордақының өнімі тура қазіргі сәтпен салыстырғанда 400 теңгеге қымбаттаған.












Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#қымбатшылық #ет #нарықтағы_баға #соғым

свернуть