#oranews #policia

Tre raste të kultivimit të bimëve narkotike dhe dy të armëmbajtjes pa leje u goditën nga policia në 24 orët e fundit. Dy kultivues droge u vunë në pranga në Memaliaj e Fier, ndërsa një 25 vjeçar nga Librazhdi u shpall në kërkim. Një 45 vjeçar u kap në Fier duke lëvizur në gjendje të dehur me pistoletë në brez, ndërsa në Lezhë një 57 vjeçar mbante Kallashnikovin, pranë shtëpisë.

Kontrolli me dron nga ajri zbuloi një parcelë të mbjellë me kanabis sativa në një zonë të pyllëzuar të fshatit Zhulaj në Memaliaj.

Hetimet treguan se bimët narkotike, numri të cilave nuk bëhet i ditur po kultivoheshin nga 50 vjecari Sokol Karafili, I cili u vu në pranga në kuadër të operacionit “Autum”.

Ndërsa 42 vjecari Fatmir Muskaj nga Kreshpani i Fierit e kishte ngritur parcelën e kanabisit në tokën e tij.

Por policia kishte marrë informacion për veprimtarinë e paligjshme dhe e vuri në pranga në kuadër të operacionit “Kreshpan 3”.

Një parcelë kanabisi u zbulua në vendin e quajtur "Stanet e Berberit", në pyllin e fshatit Ballgjin të Librazhdit.

Një 25 vjecar I identifikuar si kultivues u shpall në kërkim.

Edhe për këtë rast policia e Shtetit nuk e tregon numrin e bimëve narkotike që po kultivoheshin, por thekson se ato u asgjësuan me djegie.

Krahas kultivimit të bimëve narkotike, operacionet e policisë së Shtetit po konfirmojnë se armëmbajtje pa leje mbetet problem.

Një 45 vje;ar u arrestua në Fier pas denoncimit të qytetarëve se lëvizte i armatosur dhe në gjendje të dehur, duke u kthyer në kërcënim për jetën e qytetarëve dhe sigurinë në komunitet.

Gentian Tepelena u vu në pranga në kuadër të Operacionit “Baruti”, ndërsa gjatë kontrollit iu gjet një pistoletë me fishek në fole dhe 1 krëhër me 7 fishekë në të.

Ndërkohë një 57 vjeçar u arrestua në Lezhë, pasi mbante një armë kallashnikov të fshehur pranë banesës së tij në fshatin Zejmen.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть