Алматыда тағы да жер дауы ушығып тұр. Осыдан сегіз жыл бұрын Бәрібаев көшесіндегі өрт құшағына оранған жатақхана тұрғындары, әлі күнге өздеріне тиесілі телімдерін даулап жүр. Тұрғындар "телімімізді тартып алуға келе беретін сот орындаушыларының қуғын-сүргінінен қажыдық" дейді. Олар, "қаланың қақ ортасындағы жерге көзі түскен алпауыт компания, енді есігіміздің алдындағы қора-қопсымызға қол сұға бастады" деп қапалы.
Келмеске кеткен кеңес үкіметінен тәбәрікке қалған көне жатақхана осы. Көне болса да, тәбәрікке таластың, яғни қайта-қайта қызыл жалынға оранғыш нысан айналасындағы телімге таластың туындағанына аттай сегіз жыл болды. Бірақ бұл дау ушықпаса, бітетін түрі көрінбейді. Сарай үшін, сотты болған тұрғындар, қораның қорлығы өтті деп қапалы.
РИЗАДА ЖАҚЫПБЕК, Қазыбек би көшесінің тұрғыны:
Сегізінші жыл болды ма, содан бері үш өрт болды бізде. Екі қабат үйлер ғой бізде. Не үй салмайды өздері, не бізбен келісім шарт жасамайды. Қайта қайта қыса берді. Шында да өте қиын компания екен.
Тұрғындар айтып отырған компанияның аты "Алан-риэлти" ЖШС. 2006 жылдан сот табалдырығын тоздырып жүрген қос тарап, осы күнге дейін кезектесе жеңіп, кезектесе ұтылып келген. Соңғы "Сарайлар сүрілсін" деп аппеляциялық сот шешімін Алматы қалалық соты шығарыпты. Дау басталған алғашқы жылдары да алды-артына қарамай, өзімізге тиесілі телімдегі сарайымызды тез талқандап тастаған еді, артынан өздері қайта салған, енді қайта бұзғысы келеді, - дейді тұрғындар.
РЫСТЫЖАМАЛ БЕРДІЛЕСОВА, Қазыбек би көшесінің тұрғыны:
Сол сарайдың бірінші сындырғанда ішіндегі бүкіл дүниемізді алып кетті. Үйімізге шықпағаннан кейін осында шығарамыз, кісі келсе де шығарамыз. Енді мына сарайды сындырса, біз өліске дейін барамыз 2006 жылдан бері бірнеше кісімізді жерледік. Өліспей беріспейміз.
ЮРИЙ ИВШИН, Қазыбек би көшесінің тұрғыны:
Бір ортақ келісімге келгендей болады, енді шешіледі дегенде, пікірлерін өзгерте қалады. Өз уәделерін орындамаудың түрлі амалдарын ойластырады.

свернуть