Një zjarr ka përfshirë zonën pyjore të fshatit Thirrë ne Mirditë. Deri tani mësohet se janë shkrumbuar 10 ha me pyje, pjesë e njësisë administrative të Fanit. Nga zjarri rrezikohen edhe disa banesa. Zjarrfikëset e Mirditës ndodhen në vendngjarje, por e kanë të pamundur të ndërhyjnë për shkak të terrenit të vështirë. Ndaj ato janë pozicionuar pranë shtëpive për të shmangur një dëmtim të mundshëm të tyre. Ende nuk dihet shkaku i rënies së zjarrit. /abcnews.al
