Filmin birinci hissəsində kommunist ideologiyasının meydan gəlməsini və inkişafını təhlil etdik. Gördüyünüz kimi Marksın və Engelsin nəzəriyyələri bəşəriyyətə sülh və ədalət gətirməyi vəd etsələr də əslində ancaq qan və ölüm gətirmişdir. Darvinin təkamül nəzəriyyəsindən elmi dəstək alan kommunist ideologiya sürətlə yayılmış və ilk inqilabını Rusiyada həyata keçirmişdir. Bu inqilabın lideri olan Lenin iqtidarı ələ keçirdikdən sonra zalım diktatoru qurmuş və bütün Rusiyada terror törətmişdir. Bu gün artıq Leninin rəqiblərinə qarşı heç mərhəmət hissi bəsləmədiyini və rejimə qarşı çıxan on minlərlə insanı güllələdərək işgəncələrlə öldürdüyünü bilirik.

Habelə yanlış siyasət nəticəsində yaranan qıtlığın 5 milyon günahsız insanın ölümünə səbəb olduğu məlumdur. Arxivlərdə saxlanılan bu faktlar kommunizmin qanlı tarixini gözlər önünə sərir. Ancaq bu tarixin ən qanlı səhifələri vəhşilikdə Lelini belə ötüb keçən başqa bir diktatorun əli ilə yazılmışdır. Bu diktator bəşəriyyət tarixinin ən böyük canilərindən biri olan Stalindir.
Filmin bu hissəsində Stalin rejiminin cinayətlərinə şahid olacaq beləliklə materializm və darvinizmin dünyaya gətirdiyi fəlakətlərin həddini birlikdə təhlil edəcəyik.


Kollektivçilik dəhşəti

Leninin ölümündən sonra iqtidara keçən Stalin SSRİ-ni 30 ildən çox qorxu və işgəncə ilə idarə etdi. Hakimiyyəti boyu təqribən 40 milyon insanı qətlə yetirdi. Stalin, hakimiyyətinin ilk illərində yerini möhkəmləndirməklə məşğul oldu. Ən böyük rəqibi kimi gördüyü Troskini müxtəlif intriqalarla kənarlaşdırdı və bir müddət sonra həbs etdirərək ölkədən sürgün etdirdi. Stalin 1929-cu ildə kollektivçilik adlandırılan fəaliyyətə başladı. Leninin, torpaqları dövlətləşdirmə prosesi yarımçıq qalmışdı və rus kəndliləri hələ də öz torpaqlarını əkib-becərir və məsullarını bazara çıxarırdılar.
Stalin kollektivçiliklə Leninin təşəbbüsünü tamamlayacaq, Rusiyadakı kəndlilərin tarlalarına və məhsullarına dövlətin adından sahib çıxacaqdı.

Kollektivçilik təbliğat xarakterli filmlərlə başladı. Stalin traktorların üstündə dayanaraq sovet kənd təsərrüfatını inkişaf etdirən lider rollarına girirdi. Rus kəndliləri isə Karl Marksın afişalarının qarşısında kommunizmi qeyd edən, hətta xoşbəxtlikdən rəqs edən insanlar kimi göstərilirdi. Halbuki həqiqət çox fərqli idi. 1930-cu ildə kəndlilərin məhsulları toplanmağa başlandı. Qızıl ordu hər tarlanın məhsulunu bir-bir ələ keçirirdi. Bəzi kəndlilər əllərindəki məhsulları verməmək üçün gizlətdilər. Ancaq kommunist partiyasının nümayəndələri hər yeri tək-tək axtarır və gizli anbarları tapırdılar.

Kəndlilərin kənd təsərrüfatı vasitələri də ələ keçirildi. Nə məhsulları, nə də tarlanı şumlamaq üçün kotanları qalmışdı. Nəticədə Leninin kommunizm üçün çox faydalı hesab etdiyi fəlakət yenidən üzə çıxdı: Qıtlıq

Ukraynada bir neçə il ərzində 6 milyon insan aclıqdan öldü. Qazaxıstanda 2 milyon, Şimali Qafqazda 1 milyon insan həyatını itirdi. Bir dəri bir sümük qalan uşaqlar əziyyətlə can verirdilər.
Stalinin səbəb olduğu bu qıtlığın digər bir qorxunc nəticəsi də var idi: Adam yeyənlik
Aclıqdan ağıllarını itirmiş kəndlilər əvvəlcə meyitləri yeməyə başladılar. Bunun ardınca daha böyük vəhşilik ortaya çıxdı. Bəzi kəndlilər bir-birlərinin uşaqlarını qaçırıb yedilər. İnsan əti yeyərkən tutulan bu iki rus kəndlisinin qarşısında qaçırdıqları uşaqların qalıqları dururdu.

Stalin rejimi məhz kommunizmin hədəflədiyi kimi insanları vəhşi heyvana çevirmişdi.
Stalinin kollektivçilik siyasətinə qarşı çıxan hər kəs əvəzini canı ilə ödədi. Ən böyük hədəf “kulak” adlandırılan torpaq sahibləri idi. Hər yer kulakları pisləyən təbliğat şəkilləri ilə dolduruldu, on minlərlə kulak həbs olundu və güllələndi.

Əslində rejim, ideologiyasına qarşı çıxan hər kəsi “kulak” adı altında məhv edirdi. Bir çox din adamı və hətta kisələrə tez-tez gedən dindarlar kulak adlandırılıb həbs edildi. Bəziləri isə edam edildi. Digərləri isə tədrici ölümün onları gözlədiyi əmək düşərgələrinə göndərildi.

Sovet torpaqlarının hər tərəfində açılmış bu düşərgələr Stalinin başqa ölüm maşını idi. Rejimə müxalif olan milyonlarla insan bu düşərgələrin qorxunc şərtləri altında ölənədək işlədilirdi. Bəziləri qızmar günəş altında kanal tikintisində işə məhkum edilir. Bəziləri isə Sibirin şaxtalı soyuğunda daş yonmağa göndərilirdi. Çətin şəraitdə işlədilən bu insanlar qısa müddət ərzində bir dəri bir sümük qalırdı. Əksəriyyəti bu düşərgələrdən sağ çıxmırdı.


Stalinin soyqırım maşını

İosif Stalin bütün bu vəhşiliklərdən olduqca razı idi. 1934-cü ildə kommunist partiyasının iclasında söylədiyi nitqində kollektivçiliyin böyük uğur gətirdiyini elan etdi və partiya üzvləri tərəfindən alqışlandı. Stalinin yaxın adamları bir-birinin ardınca kürsüyə çıxıb onun nə qədər böyük dahi olduğunu deyirdilər.

0:00 - Giriş
1:30 - Kollektivçilik dəhşəti
7:30 - Stalinin soyqırım maşını
15:46 - Qorxu rejimi
24:06 - Dünyada Sovet işğalları
28:36 - Kommunizmin Azərbaycana gətirdiyi bəlalar
37:42 - Nəticə

свернуть