Վերջ
Վերջ հեքիաթն ավարտվեց
Դեհ քնեք մանուկներ
Դեհ ձեզ բարի գիշեր
Ու խաղաղ երազներ
Վերջ էլ չկա հեքիաթ
Տես երգում է ծեր ագռավն իր երգը հին
Լուռ ծխում է հանգչող մոմը ու ծորում է կաթ
Արցունքի հետ կոտրած դալուկ ձեռքերին...
Այս գիշեր էլ կարկատում եմ գույնզգույն այն լաթերով
Գորշ շղարշը առագաստը գամված կայմին բաժանման
Որ հատում է հորիզոնը ետևում իր թողնելով
Մեր ստվերները մեր հույզերը ու ապրածը անսահման
Ու վերջ էլ չկա հեքիաթ
Նոսրացնում է վերջին ծուխը պաղ քամին
Մթության մեջ խեղդում երգն իմ անավարտ
Ու ծխի հետ հանձնում դժգույն խավարին...
Այս գիշեր էլ կարկատում եմ գույնզգույն այն լաթերով
Գորշ շղարշը առագաստը գամված կայմին բաժանման
Որ հատում է հորիզոնը ետևում իր թողնելով
Մեր ստվերները մեր հույզերը ու ապրածը անսահման
